Türkiyäniň Beýik Millet Mejlisiniň başlygy Numan Kurtulmuş sosial media hasabyndan beren beýanatynda: "Dikuçar heläkçiliginde ýogalan Eýranyň prezidenti Ebrahim Raisä Alladan rehnet dileýärin, maşgalasyna, dostlukly we doganlyk Eýranyň halkyna gynanç bildirýärin, gam-gussalaryny paýlaşýaryn. Şol heläkçilikde ýogalan Eýranyň daşary işler ministri Hüseýin Emir Abdullahiýan we beýleki merhumlar zerarly gynanç bildirýärin" diýip habar berdi.
Wise-prezident Jewdet Ýylmaz hem sosial media hasabyndan beren beýanatynda: "Dikuçar heläkçiliginde ýogalan Eýranyň prezidenti Ebrahim Raisä, Eýranyň daşary işler ministri Hüseýin Emir Abdullahiýana we ýanyndaky adamlara Alladan rehnet, maşgalalaryna, dostlukly we doganlyk Eýranyň halkyna we döwletine gynanç bildirýärin. Jaýlary jennet bolsun" diýip belledi.
Adalat we ösüş partiýasynyň başlygynyň orunbasary we partiýanyň metbugat geňeşçisi Ömer Çelik hem sosial media hasabyndan beren beýanatynda, Raisiniň, Abdullahiýanyň we ýanyndaky beýeki adamlaryň dikuçar heläkçiliginde ýogalmagy sebäpli çuňňur gynanç bildirýändigini belläp: "Eýranyň döwletine we doganlyk Eýranyň halkyna gynanç bildirýärin. Doganlyk Eýranyň halkynyň gam-gussasyny paýlaşýarys" diýip nygtady.
Kommunikasiýalar edarasynyň başlygy Fahrettin Altun hem beren beýanatynda Raisiniň, Abdullahiýanyň we ýanyndaky adamlaryň dikuçar heläkçiliginde ýogalmagy zerarly maşgalalary bilen dostlukly we doganlyk Eýranyň halkyna duýgudaşlyk bildirdi.