Özbegistanyň Döwlet hasabat komitediniň berýän habaryna görä, 2020-nji ýylda Özbegistanda 305 kärhana açan Türkiýe, daşary ýurt maýasy bilen iň köp kärhana açan ýurtlaryň sanawynda 1-nji oruny eýeledi.
Berilen hasabata görä, geçen ýyl 1715 daşary ýurt maýaly kärhananyň işläp başlan Özbegistanda, iň köp kärhana açan ýurtlaryň sanawynda Türkiýeden soň 265 kärhana bilen Russiýa 2-nji, 147 kärhana bilen bolsa Hytaý 3-nji orun eýeledi.
Geçen ýyly ýurtda Gazagystan 110 kärhana, Günorta Koreýa bolsa 77 kärhana açdy.
Daşary ýurt maýaly kärhanalar iň köp ýurdyň Daşkent, Samarkand we Surhanderýa sebitlerinde açylyp, daşary ýurt maýadarlar esasan hem senagat, söwda, gurluşyk we oba-hojalyk pudaklaryna maýa goýdylar.
2021-nji ýylyň 1-nji ýanwarynda Özbegistandaky daşary ýurt maýaly kärhanalaryň sany bolsa jemi 11 müň 781-e ýetdi.
2019-njy ýylda ýurtda daşary ýurt maýaly 3 müň 330 kärhana açylypdy.