Türkiýäniň Milli Howpsuzlyk gullugy ekstremist terror guramasy PKK-nyň Siriýa awtonom dolanşyk merkeziniň ýerine ýetirji geňeşiniň egindeş baştutany siriýaly terrorçy Hüseýin Şiblini Yragyň Süleýmaniýe şäherinde täsirsiz ýagdaýa getirdi.
Howpsuzlyk çeşmelerinden alynan maglumata görä, "Ferhat Derik" adyny ulanan terrorçy Hüseýin Şibli, terror guramasynyň Kandildäki dolanşygy tarapyndan Yraga ugradylypdy.
Kandildäki terrorçylaryň ýolbaşçylary, terrorçy Hüseýin Şibliniň üsti bilen sebitden daşary ýurtlar bilen bähbit gatnaşyklaryny ýola goýup, Yrakda täze bir terror gurluşyny emele getirmegi maksat edinendikleri anyklandy.
Türkiýäniň Milli Howpsuzlyk gullugy Türkiýe-Yrak serhediniň 275 km alysynda ýagny Süleýmaniýede geçiren operasiýasy bilen täsirsiz ýagdaýa getirilen Hüseýin Şibli, Kandiliň Siriýadaky gurluşynyň möhüm ýolbaşçylarynyň arasynda görkezilýän "Şahin Jilo" adyny ulanýan Ferhat Abdi Şahinň iň ýakyn adamlarynyň biridi.
Asly siriýaly bolan Hüseýin Şibli, terrorçylaryň ýolbaşçylary Abdullah Öjalanyň Siriýada bolan mahaly terror guramasy PKK-nyň düzümine goşulypdy.
Terrorçy Hüseýin Şibli, Siriýanyň Halap şäheri bilen Yragyň demirgazygyndaky Gara we Kandil sebitlerinde iş alyp barýardy, 2014-nji ýylda bolsa Siriýada PKK-nyň gözegçilik edýän ýerlerinden jogapkär geňeşiň agzalygyna bellenipdi.
Terrorçy Hüseýin Şibli, 2019-njy ýyldan bäri terror guramasynyň Siriýanyň awtonom dolanşyk merkeziniň ýerine ýetiriji geňeşiniň egindeş baştutany hökmünde iş alyp barýardy.