Azerbaýjanyň Prezidenti Ilham Aliýew, 29-njy oktýabr Respublika baýramy mynasibetli Prezident R. T. Erdogana gutlag ýüzlenmesini ugratdy.
Ýüzlenmesinde, Türkiýe Respublikasynyň 101 ýaşy bilen Prezident Erdogany we türk halkyny öz adyndan we Azerbaýjanyň halkynyň adyndan gutlan Aliýew, Türkiýäniň ikinji asyryna syýasy, ykdysady we harby taýdan güýçli, halkara derejesinde mertebisi gün saýyn artýan we uly ynam bildiýilýän ýurt hökmünde girmeginiň özlerini buýsandyrýandygyny nygtady.
Türkiýäniň gazanýan üstünliklerinde Prezident Erdoganyň alyp barýan syýasatlarynyň uly rol oýnaýandygyny aýdan Aliýew, “Dünýäniň güýç merkezine öwrülen güýçli Türkiýäniň gazanýan üstünlikleri bizi buýsandyrýar we bize ylham berýär. Şu günki günde Azerbaýjan bilen Türkiýäniň arasyndaky doganlyk gatnaşyklarynyň pajarlap ösmegi bizi buýsandyrýar. Gün saýyn pugtalanýan özara gatnaşyklarymyz, sebitiň galkynyşyna, parahatçylygyna we howpsuzlygyna goşant goşýar we tutuş Ýewraziýa üçin uly rol oýnaýar.
Güýjüni taryhy geçmişimizden, baý milli we ruhy gymmatlyklarymyzdan, halklarymyzyň doganlygyndan we jebisliginden alýan Azerbaýjan-Türkiýe stragetik hyzmatdaşlygynyň mundan beýläk hem “iki döwlet, bir millet” şygaryna laýyklykda has-da güýçlenjekdigine ynanýaryn” diýdi.