Energetika we tebigy serişdeler ministri Fatih Dönmez deňizlerde uglewodorod gözleglerinde peýdalanyljak dördünji burawlaýyş gämisiniň Norwegiýadan Türkiýä ugrandygyny beýan etdi.
Ministr Dönmez Twitter hasabyndan beren habarnamasynda täze gämä tolgunmak bilen garaşylýandygyny mälim etdi.
Ministr Dönmez; “Dört tarapy deňizler bilen gurşalan ýurdumyzyň kämil burawlaýyş flotuny döretmek üçin işe girişdik. İndi bolsa Türkiýä tarap ugran dördünji burawlaýyş gämimize garaşýarys. Düşümli bolsun” diýip ýazdy.
Türkiýe deňizlerde uglewodorod serişdeleriniň gözlegini “Fatih”, “Ýawuz” we “Kanuny” burawlaýyş gämileri bilen dowam etdirýär.