Türkiyäniň Daşary işler ministri Hakan Fidan gepleşikler geçirmek maksady bilen giden Malaýziýanyň Penang welaýatynda Malaýziýanyň Premýer ministri Enwer Ibrahim tarapyndan kabul edildi.
Türkiyäniň Daşary işler ministrliginiň Twitter hasabyndan berilen maglumatda, Daşary işler ministri Hakan Fidanyň Malaýziýanyň Premýer ministri Enwer Ibrahim tarapyndan kabul edilendigi habar berildi.
Daşary işler ministrligi tarapyndan berilen ýene-de bir maglumatda bolsa, Hakan Fidanyň Wise-premýer Ahmad Zahid Hamidi bilen duşuşyk geçirendigi mälim edildi.
Hakan Fidan Malaýziýanyň Penang welaýatynda şeýle hem Malaýziýanyň Daşary işler ministri Zambri Abdul Kadir bilen duşuşyk geçiripdi.