Türkiyäniň daşary işler ministrliginiň X sosial media ulgamyndan berilen habara görä, ministr Hakan Fidan, paýtagt Tähran şäherinde Eýranyň prezidenti Mesud Pezeşkiýanyň kasam ediş dabarasynda Türkiyä wekilçilik etdi.
Eýranda 5-nji iýulda geçirilen prezident saýlawynyň 2-nji tapgyrynda üstünlik gazanan Mesud Pezeşkiýan, şeýlelik bilen ýurduň 9-njy prezidenti boldy. Pezeşkiýan 28-nji iýulda Eýranyň dini lideri Aýetullah Ali Hamaneýden şahadatnamasyny alypdy.
Beýleki tarapdan Hakan Fidan Tähranda Türkmenistanyň Ministrler kabinetiniň başlygynyň orunbasary we daşary işler ministri Raşid Meredow we Yragyň Kürt Awtonomiýasynyň başlygy Neçirwan Barzani bilen duşuşyk geçirdi.