2024-nji ýylyň noýabr aýynyň 4-5-i aralgynda Türkiýe Respublikasynyň Prezidenti R.T.Erdogan, Gyrgyz Respublikasynda saparda boldy.Gyrgyz Respublikasynyň we Türkiýäniň Prezidentiniň ýolbaşçylyk etmeginde geçirlen Gyrgyzstan-Türkiýe ýokary derejeli strategik hyzmatdaşlyk geňeşiniň 6-njy maslahatynyň çäginde taraplaryň arasynda 19 şertnama baglaşyldy.
Saparyň çäginde Prezident R.T.Erdoganyň gatnaşmagynda Gyrgyz-Türk dostluk hassahanasynyň, Ýunus Emre institutynyň, Bişkek Bilim merkeziniň we beýleki desgalaryň açylyş dabarasy geçirildi.Prezident Erdogana Gyrgyz Respublşkasynyň Manas ordeni gowşuryldy.
2024-nji ýylyň 5-nji noýabrynda Wengriýanyň Premýer-ministri Wiktor Orban, Gyrgyz Respublikasynda saparda boldy. Premýer-ministr Wiktor Orban resmi saparynyň çäginde Gyrgyz Respublikasynyň Prezidenti Sadyr Japarow bilen duşuşdy. Özara we toparara gepleşiklerden soň iki ýurduň arasynda 5 şertnama baglaşyldy.
2024-nji ýylyň 6-njy noýabrynda Bişkek şäherinde Türki döwletleriň guramasynyň 11-nji liderler sammiti geçirildi. Sammite Azerbaýjanyň, Gazagystanyň, Gyrgyz Respublikasynyň, DKTR-nyň, Özbegistanyň, Türkiýäniň Prezidenti bilen Wengriýanyň Premýer-ministri we Türkmenistanyň Gyrgyz Respublikasyndaky ilçisi gatnaşdy.
Sammitiň çäginde Wengriýanyň Premýer-ministri Wiktor Orbana Türk dünýäsiniň ýokary nyşany ordeni gowşuryldy.Sammitiň çäginde Bişkek jarnamasy kabul edildi we jemi 14 şertnama baglaşyldy.Bişkek jarnamasynda Türki döwletleriň guramasynyň Merkezi banklary geňeşiniň we Turan erkin ykdysady bileleşiginiň döredilmegi, Jalalabad şäheriniň 2025-nji ýylda Türk dünýäsiniň syýahatçylyk paýtagty, Bişkek şäheriniň bolsa 2025-nji ýylda Türk dünýäsiniň Digital paýtagty hökmünde yglan edilendigi nygtaldy.
Halkara Türk medeniýet we miras gaznasynyň goldaw bermeginde muzeýe öwrülen Bişkek şäherindäki şahyr Alikul Osmonowyň öýü dabaraly ýagdaýda açyldy.Azerbaýjanyň Prezidenti Ilham Aliýewe Bişkekde Çingiz Aýtmatow medaly gowşuryldy.
2024-nji ýylyň 5-nji noýabrynda Gazagystanyň Prezidenti Kasym-Žomart Tokaýew Fransiýa döwlet saparyny gurady. Prezident Tokaýew Fransiýanyň Prezidenti Emmanuel Makron bilen duşuşdy. Saparyň çäginde iki ýurduň arasynda jemi 36 şertnama baglaşyldy. Tokaýew bilen Makron “Gazagystan: Sähranyň göwheri” atly serginiň açylyş dabarasyna gatnaşdy. Gazagystanyň Prezidenti Tokaýew döwlet saparynyň çäginde Fransiýaly işewür adamlary bilen hem duşuşyk geçirdi.
2024-nji ýylyň 7-nji noýabrynda Gazagystanyň Prezidenti Kasym-Žomart Tokaýew, Russiýa Federassiýasynyň Daşary işler ministri Sergeý Lawrowy kabul etdi. Kabul edilşikde Russiýanyň Prezidenti Wladimir Putiniň 27-nji noýabrda Gazagystana gurajak döwlet sapary üçin görülýän taýarlyklar ara alnyp maslahatlaşyldy.
2024-nji ýylyň 8-nji noýabrynda Çanakkale şäherinde Türk dünýäsiniň Sungat uniwersitetleri bileleşiginiň maslahaty geçirildi. Maslahata Azerbaýandan, Gyrgyzstandan, Özbegistandan we Türkiýeden Türk dünýäsiniň sungat uniwersitetleri bileleşigine agza uniwersitetleriň rektorlary gatnaşdy.
2024-nji ýylyň 9-njy noýabrynda Ankara şäherinde Prezidentiň orunbasary Jewdet Ýylmaz, DKTR-nyň Prezidenti Ersin Tatar bilen duşuşdy.