2024-nci ýylyň sentýabr aýynyň 8-13-i aralygynda GAzagystanyň paýtagty Astanada Çarwadarlaryň 5-nci bütindünýä oýunlary geçirildi. Çarwadarlaryň 5-nci bütindünýä oýunlaryyň açylyş dabarasyna Gzagystanyň, Gyrgyzstanyň, Özbegistanyň, Tataristanyň we Ýakutiýanyň prezidentleri, Türkmenistanyň Halk Maslahatynyň Başlygy, Türki döwletleriň guramasynyň Başlygy, TÜRKSOÝ-uň, Türki maýa goýum gaznasynyň, TÜRKPA-nyň, Türk medeniýeti we miras gaznasynyň ýolbaşçylary bilen halkara guramalarynyň wekilleri , türki döwletleriň sport ministrleri gatnaşdylar. Çarwadarlaryň 5-nci bütindünýä oýunlarynda 89 ýurtdan 2 müňden gowrak türgen bäsleşdi.
Çarwadarlaryň 5-nci bütindünýä oýunlarynyň çäginde 10-ncy sentýabrda Türki döwletleriň guramasynyň Ýaşlar we sport ministrleri 8-nci maslahatyny geçirdi. Maslahata GAzagystanyň, Gyrgyzstanyň, Wengriýanyň, Özbegistanyň we Türkiýäniň sport ministrleri gatnaşdylar. Maslahatda Çarwadarlaryň 6-ncy bütindünýä oýunlarynyň Gyrgyzstanda geçirilmegi hakynda karar kabul edildi.
2024-nci ýylyň 9-ncy sentýabrynda Türki döwletlere agza ýurtlaryň Adalat ministrleriniň 1-nci maslahaty Gazagystanda geçirildi. Maslahata Türki döwletleriň guramasyna agza ýurtlaryň adalat ministrleri gatnaşdylar. Maslahatyň ahyrynda Astana carnamasy kabul edildi.
2024-nci ýylyň 10-ncy sentýabrynda Russiýanyň Premýer-ministri Mihail Mişustin Özbegistana resmi sapar gurady. Premýer-ministr Mişustin we Özbegistanyň Premýer-ministri Abdulla Aripow Özbegistan-Russiýa Bilelikdäki hökümetara toparyň 5-nci maslahatyna ýolbaşçylyk etdiler. Özbegistanyň Prezidenti Şawkat Mirziýoýew Rýssiýanyň Premýer-ministri Mişustini kabul etdi.
Üstümizdäki aýyň 11-de Türkiýäniň Goranmak ministri Ýaşar Güler Gazagystana resmi sapar gurady. Ministr Güler kazak kärdeşi Ruslan Žaksylykow bilen duşuşdy. Gazagystanyň Prezidenti Kassym-Žomart Tokaýew ministr Güleri kabul etdi.
11-nci sentýabrda Gyrgyzstanyň Prezidenti Sadyr Caparow KOllektiw howpsuzlyk ylalaşygy guramasynyň Baş sekretary İmangali Tasmagambetowy kabul etdi. Duşuşykda sebitleýin howpsuzlyk, bilelikdäki harby türgenleşikler we gün tertiniň ileri tutulýan ugurlary hakynda pikir alyşyldy.
12-nci sentýabrda Türkiýe Respublikasynyň Daşary işler ministri Hakan Fidan, İçeri işler ministri Ali Ýerlikaýa we Milli howpsuzlyk guramasynyň Başlygy İbrahim Kalyn Özbegistana sapar etdi.Türk wekiliýeti Daşkent şäherinde özbek kärdeşleri bilen duşuşdy.
Duşuşyklardan soň Ýol kartasy resminamasyna gol çekildi. Özbegistanyň Prezidenti Şawkat Mirziýoýew türk wekiliýetini kabul etdi.Nygtap geçsek bu formatdaky maslahat Türkiýe bilen Özbegistanyň arasynda ilkinci gezek geçirildi.
9-11-nci sentýabr aralgynda Bakuw şäherinde Türki dünýäniň ýeke-täk elipbiý toparynyň 3-nci maslahaty geçirildi. Maslahata Türki döwletleriň guramasyna agza ýurtlaryň wekilleri gatnaşdylar. Maslahatda 34 harpdan ybarat Ýeke-täk türki elipbiýiň kabul edilmegi boýunça karar kabul edildi. 34 harply Ýeke-täk türki elipbiýi Türki döwletleriň guramasynyň sammitinde Prezidentleriň garamagyna hödürlener.
10-ncy sentýabrda Batumide Azerbaýcanyň-Gruziýanyň-Türkiýäniň Goranmak ministrleriniň 11-nci maslahaty geçirildi. MAslahatda üçtaraplaýyn ähtnama gol çekildi. Gelcek hepde Gruziýada adybir ýurtlaryň esgerleriniň gatnaşmagynda “Soňsuzlyk 2024” atly harby türgenleşik geçiriler.