2024-nji ýylyň 6-njy noýabrynda Bişkek şäherinde Türki döwletleriň guramasynyň liderler sammiti geçirildi. Sammit mynasibetli Türki döwletleriň arasyndaky arkalaşyk etaby üçin soňky aýlarda alnyp barylan işlere ser salalyň
Üstümizdäki ýylyň sentýabr we oktýabr aýlarynda Türki döwletleriň guramasynyň çäginde Içeri işler ministrleriniň, Energetika ministrleriniň, Ýaşlar we sport ministrleriniň, Syýahatçylyk ministrleriniň, Adalat ministrleriniň, Milli howpsuzlyk gullugynyň başlyklarynyň, Din işleri guramasynyň, Daşary işler ministrleriniň, Saglygy goraýyş ministrleriniň, Ykdysadyýet we söwda ministrleriniň, Senagat, ylym we tehnalogiýa ministrleriniň maslahatlary geçirildi.
Türki döwletleriň arasyndaky hyzmatdaşlygyň artdyrylmagy üçin täze bileleşikler döredildi. Mysal üçin 2024-nji ýylyň 26-njy sentýabrynda Türki döwletleriň Küşt bileleşigi, 2024-nji ýylyň 10-njy oktýabrynda Türki döwletleriň Ýarym Gyzylaý we Gyzylhaç tory döredildi.
2024-nji ýylyň sentýabr aýynyň 8-13-i aralygynda Astana şäherinde 5-nji Bütindünýä Çarwa oýunlary geçirildi. Çarwa oýunlarynyň açylyş dabarasyna Gazagystanyň, Gyrgyzstanyň, Özbegistanyň, Tatarystanyň we Ýakutistanyň Prezidenti, Türkmenistanyň Halk maslahatynyň başlygy, Halkara türk guramalarynyň baş sekretarlary we Türki döwletleriň sport ministrleri gatnaşdy.
2024-nji ýylyň sentýabr aýynyň 9-11-i aralygynda Baku şäherinde Türk dünýäsiniň Ýeke-täk elipbiý komissyýasynyň 3-nji maslahaty geçirildi. Maslahatda 34 harpdan ybarat Ýeke-täk türk elipbiýiniň taýarlanmagy baradaky teklip boýunça ylalaşyk gazanylandygy nygtaldy.
2024-nji ýylyň 20-njy sentýabrynda Bişkek şäherinde TÜRKSOÝ-yň goldaw bermeginde Kutadgu Bilig we Türk dünýäsi forumy geçirildi.
2024-nji ýylyň 28-nji sentýabrynda Stambul şäherinde Halkara türk medeniýet we miras gaznasy tarapyndan Türk dünýäsinde medeni mirasyň goralmagy atly konferensiýa geçirildi.
2024-nji ýylyň oktýabr aýynyň 9-10-y aralygynda Bişkek şäherinde Türki döwletleriň guramasynyň Emeli intellekt forumy geçirildi.
2024-nji ýylyň 11-nji oktýabrynda Aşgabat şäherinde “Döwürleýiň we siwilizasiýalaryň özara arabaglanşygy-parahatçylygyň we ösüşiň binýady”atly halkara forum geçirildi. Ady agzalýan foruma Eýranyň, Gazagystanyň, Gyrgyzstanyň, Özbegistanyň we Tatarystanyň Prezidenti, TBMM-niň başlygy, Türki döwletleriň guramasy we TÜRKSOÝ ýaly halkara guramalaryň baş sekretarlary gatnaşdy.
2024-nji ýylyň oktýabr aýynyň 22-24-i aralygynda Tatarystanyň paýtagty Gazan şäherinde BRICS-e agza ýurtlaryň 16-njy liderler sammiti geçirildi.Tatarystanyň Prezidenti Rustam Minnihanow ähli myhmanlaryny howa menzilinde garşylady we ugratdy.
Türki döwletleriň liderleri hem sammite gatnaşdy.Rustam Minnihanow Azerbaýjanyň, Özbegistanyň, Türkiýäniň we Türkmenistanyň prezidenti bilen özara duşuşyk geçirdi.Prezident Minnihanow özara gatnaşykalryň ösmegine uly goşant goşandygy sebäpli Azerbaýjanyň Prezidenti Ilham Aliýewi, Özbegistanyň Prezidenti Şawkat Mirziýoýewi we Türkmenistanyň Prezidenti Serdar Berdimuhamedowy Dostlyk medaly bilen sylaglady.
3-nji oktýabrda 15 ýaşyny dolduran Türki döwletleriň guramasy dünýäde iş alyp barýan täsirli halkara guramalaryň hatarynda mynasyp ýerini aldy. Türki döwletleriň guramasynyň baş sekretary Kubanyçbek Ömüraliýewiň nygtaýşy ýaly gurama çägindäki 40-dan gowrak türk döwletiniň arasyndaky hyzmatdaşlygy we arkalaşygy has-da berçinleşdirmäge dowam edýär.