Hepdelik tapgyrlaýyn gepleşigimiziň nobatdaky sanynda türki döwletlerde geçen hepde öňe saýlanan wakalar hakynda durup geçmek isleýäris.
TÜRKSOÝ-uň Baş sekretary Sultan Raýew geçen hepde Türkmenistanda saparda boldy. 2022-nji ýylyň 28-nji noýabrynda Prezident Serdar Berdimuhamedow Raýewi kabul etdi.Duşuşykda Türkmenistanyň Türki medeniýetiniň halkara dolanşygy guramasy bilen bilelikde geçirjek Magtymguly Pyragynyň 300 ýyllygy, Türki dünýäniň medeniýet paýtagty Änew ýaly çäreler hakynda pikir alyşyldy.
Sultan Raýew Türkmenistanyň Medeniýet ministri Atageldi Şamyradow bilen adybir çäreler hakynda giňişleýin maslahat geçirdi.
2022-nji ýylyň 27-nji noýabrynda Türkmenistanyň Milli Mejlisiniň Halk Maslahatynyň Başlygy Gurbanguly Berdimuhamedow Koreýa Respublikasyna resmi sapar gurady. Berdimuhamedow Seulda Koreýa Respublikasynyň Prezidenti we Mejlisiniň Başlygy bilen ikiçäk duşuşyklar geçirdi. Türkmenistan bilen Koreýa Respublikasynyň parlamentleriniň arasynda hyzmatdaşlyk etmek hakyndaky ähtnama gol çekişildi.
2022-nji ýylyň 28-29-njy noýabrynda Tatarystanyň Prezidenti Rustam Minnihanow resmi wekiliýet we 45 tatar işewüri bilen Azerbaýjana iş saparyny gurady. Bakuwda Azerbaýjan-Tatarystan Işewürler Maslahaty geçirildi. Maslahatyň çäginde käbir özara şertnamalar baglaşyldy. Prezident Minnihanow Azerbaýjanyň döwlet Ýolbaşçysy Ilham Aliýew, Premýer-ministr Ali Asadow, Wise-premýer Şahin Mustafaýew we Ykdysadyýet ministri Mikail Jabbarow bilen duşuşyklar geçirdi.
Üstümizdäki aýyň 1-2-si aralygynda Samarkantda Özbegistanyň Premýer-ministri Abdullah Aripow we Russiýanyň Premýer-ministri Mihaşil Mişustinyň gatnaşmagynda Özbegistan-Russiýa Seibitleýin Maslahaty geçirildi. Özbegistan-Russiýa Sebitleýin Maslahata Tatarystanyň Prezidenti Rustam Minnihanow hem gatnaşdy.
Tatarystan Russiýanyň türki döwletler bilen gatnaşyklary möhüm pozisiýa eýeleýär.Prezident Minnihanow 2022-nji ýylyň 28-nji noýabrynda Özbegistanyň Surhanderýa welaýatynyň häkimi Tura Bobolowyň ýolbaşçylygyndaky wekiliýeti kabul etdi.Tatarystanyň Federal Uniwersiteti Özbegistanyň Jizzak şäherinde öz şäherçesini açdy.
Türki döwletlerden ýaşlar bilim almak üçin Russiýada Tatarystany saýlap alýarlar.Rustam Minnihanow Putiniň görkezmesi boýunça Russiýa-Yslam Dünýäsi Strategik Garaýyş Toparynyň Başlyklygyny hem ýerine ýetirýär.
Gazagystanyň Prezidenti Kassym-Jomart Tokaýew 2022-nji ýylyň 26-njy noýabrynda geçirilen kasam ediş dabarasyndan soň 27-30-njy noýabrda Russiýa Federasiýasyna we Fransiýa saparlar gurady.Tokaýew we Wladimir Putin duşuşykdan soň iki ýurduň arasynda diplomatik gatnaşyklaryň 30 ýyllygy mynasybetli jarnama gol çekişdiler. 29-njy noýabrda Parijde geçirilen Tokaýew-Makron duşuşygydan soň 16 maddadan ybarat bilelikdäki jarnama çap edildi.
Taraplaryň arasynda jemi 35 şertnama baglaşyldy.
Prezident Tokaýew guran saparlary bilen Prezidentlik wezipesiniň ikinji tapgyrynda deňagramly syýasat alyp barmakda ygrarlydygyny görkezdi. Hem esasy strategik hyzmatdaşy Russiýa hem-de esasy iş hyzmatdaşlaryndan Fransiýa yzly-yzyna sapar gurap, günbatar bilen Russiýanyň arasyndaky dartgynlykda tarap tutmajakdygyny beýan etdi.
Wakalardan mälim bolşuna görä geçen hepde türki döwletlerde möhüm saparlar, duşuşyklar we işewürler maslahaty geçirildi.