Daşary ýurtly köpçülikleýin habar beriş serişdeleri dik uçar heläkçiligine uçran Eýranyň Prezidenti Ebrahim Raisiniň ýerini anyklanan AKYNJY uçarmansyz howa ulagy hakyndaky habarlara giňişleýin ýer berýär.
Eýranyň Prezidenti Raisiniň Bell 212 kysymly dik uçary Azerbaýjandan gaýdyp gelýärkä Töwriz şäheriniň golaýynda daglyk meýdanda heläkçilige uçrady.
Heläkçiligiň yzy ýanyndan gözleg we halas ediş işlerini başaldan Eýranly toparlar birnäçe sagat dowam eden gözleg işlerine garamazdan heläkçiligiň bolan ýerini anyklap bilmedi.
Ýary gije Eýran, Türkiýeden gije görüş ukybyna eýe bolan dik uçar sorady.
Eýrandan gelen talabyň yzy ýanynda Türkiýeden uçan AKYNJY uçarmansyz howa ulagy, Eýranda gözleg we halas ediş işlerine başlady.
200 müňden gowrak adam AKYNJY uçarmansyz howa ulagynyň gözleg işleri bilen ýakyndan gyzyklandy.
AKYNJY uçarmansyz howa ulagy birnäçe sagadyň dowamynda dik uçaryň heläkçilige uçran ýerini anyklady.
Daşary ýurtly köpçülikleýin habar beriş serişdeleri AKYNJY uçarmansyz howa ulagynyň buýsandyran üstünligi hakyndaky habarlara giňişleýin her berdi.
Merkezi ABŞ-da ýerleşýän “Taýmes Now Nýus” gazeti, “Baýraktar Akynjy, Eýranyň Prezidenti Raisiniň dik uçarynyň ýerini anyklady” söz başlygy habarynda, eýranlylaryň däl eýsem türk dik uçarynyň heläkçiligiň bolan ýerini anyklandygyny ýazdy.
AKYNJY-nyň üstünligi hakyndaky habarlara ýer beren Gresiýanyň “Pentapostagma” gazeti bolsa “Türk AKYNJY uçarmansyz howa ulagy, Eýranda dik uçar heläkçiliginiň ýerini anyklady. Prezidenti Raisi bilen Daşary işler ministri Emir Abdullahiýanyň jesetleri tapyldy” diýip ýazdy.
Gresiýanyn “Onalert” gazeti bolsa waka hakyndaky habaryny “Eýranda dik uçar heläkçiligi.. Türk AKYNJY uçarmansyz howa ulagy heläkçiligiň ýerini anyklady” söz başysy bilen okyjylarynyň dykgatyna ýetirdi.