Woleýboý boýunça zenanlaryň arasyndaky Ýewropanyň Çempionlar Ligasynda Türkiýäniň “Wakyfbank” topary çempion boldy.Stanbul şäheriniň kluby Sloweniýanyň paýtagty Lýubliýanada oýnalan finalda geçen ýylyň çempiony, Italiýanyň “Imoko Wolleý” klubundan 3:1 (25:22, 25:21, 23:25, 25:21) hasabynda üstün çykmagy başardy.
Bu olaryň 5-nji çempionlygy bolup, “Wakyfbank” mundan ozal, 2011-nji, 2013-nji, 2017-nji hem-de 2018-nji ýyllarda yklymyň iň uly kubogyny gazanypdy. “Wakyfbank” topary 5 gezek hem finalda utuldy.
Çempionlygyny gorady
Erkekleriň arasyndaky Çempionlar Ligasynda bolsa çempion üýtgemedi.Lýubliýanda oýnalan finalda geçen ýylda-da duşuşan iki klub Polşanyň “ZAKSA Kendzežin-Kozle” topary bilen Italiýanyň “Itas Trentino” topary özara güýç synanyşdy.
Duşuşyk 3:0 (25:22, 25:20, 32:30) hasabynda polýaklaryň peýdasyna tamamlandy. Şeýlelikde, polýak topary garşydaşyny bu gezek ýeňip, bassyr 2-nji gezek yklymyň iň uly çempionlygyny gazanmagy başardy.