Daşary işler ministri Hakan Fidan, Içeri işler ministri Ali Ýerlikaýa we Milli Howpsuzlyk gullugynyň başlygy Ibrahim Kalyn iş sapary bilen Özbegistana gitdi.
Türk resmi wekiliýeti paýtagt Daşkentde Daşary işler ministri Bahtiýar Saidow bilen duşuşdy.
Hakan Fidan duşuşykda Özbegistanyň ikinji watanlarydygyny nygtady.
Iýun aýynda Ankarada geçirlen Türkiýe-Özbegistan Ýokary derejeli hyzmatdaşlyk geňeşiniň 3-nji maslahatynyň taryhy öwrülşik nokady bolandygyna ünsi çeken Fidan, iki ýurduň liderleriniň Türkiýe-Özbegistan gatnaşyklary taýdan möhüm kararlar kabul edendigini ýatlatdy.
Daşary işler ministri Fidan, şu gün Daşkende Içeri işler ministri Ali Ýerlikaýa we Milli Howpsuzlyk gullugynyň başlygy Ibrahim Kalyn bilen birlikde möhüm sapar guraýandyklaryny nygtap, iýun aýynda liderleriň kabul eden kararlaryny durmuşa geçirmäge dowam etjekdiklerini aýtdy.