Ýeni Şafak gazedi: "Erdogan Günorta Koreýa gynanç bildirdi" söz başyly habarynda, Türkiyäniň Prezidenti Rejep Taýýip Erdoganyň Günorta Koreýada başdan geçirilen uçar heläkçiliginde ýogalan adamlaryň dogan-garyndaşlary bilen Günorta Koreýanyň halkyna we hökümetine gynanç bildirendigini habar berýär.
Star gazedi: "Sudan: Erdoganyň teklibine ýokary baha berýäris" söz başyly habarynda, Türkiyäniň ähli ugurlar boýunça ýanynda durýandygyny aýdan sudanly ministr al-Iaýsiriň, Prezident Erdogan tarapyndan öňe sürülen Sudan bilen BAE-niň arasyndaky düşünişmezçiligiň ortadan aýyrlmagy bilen bagly Türkiyäniň işe girişip biljekdigi baradaky teklibine ýokary baha berýändiklerini we hormat goýandyklaryny aýdandygyny beýan edýär.
Hürriýet gazedi: "Siriýadaky gaýtadan dikeldiş söwdany güýçlendirer" söz başyly habarynda, Wise-prezident Jewdet Ýylmazyň Siriýadaky gaýtadan dikeldiş bilen birlikde amatly gurşawyň emele getirilmeginiň, siriýalylaryň gaýdyp barmaklaryna we iki ýurduň arasyndaky söwda gatnaşyklaryň ösmegine goşant goşjakdygyny aýdandygyny aýan edýär.
Sabah gazedi: "Türkiye, energiýa pudagynda öňdebaryjylygy maksat edinýär" söz başyly habarynda, Energetika we tebigy serişdeler ministri Alparslan Baýraktaryň Türkiyäniň energetika syýasatlarynda halkara bäsdeşlikde möhüm sepgide ýetendigini aýdandygyny mälim edýär. Alparslan Baýraktar: "Tebigy gazdan ýadro, gaýtadan dikeldilýän energiýadan wodorod tehnologiýasyna çenli ähli ugurlar boýunça öňdebaryjylygy maksat edinýäris" diýip belledi.
Watan gazedi: "Baýkaryň Piaggio Aerospace kärhanasyny satyn almagy dünýäniň gün tertibinde" söz başyly habarynda, Türk goranyş senagaty kärhanasy Baýkaryň Italiýanyň Piaggio Aerospace kärhanasyny satyn almagynyň dünýäde giň seslenme döredendigini okyjy köpçüliginiň dykgatyna ýetirýär. Piaggio Aerospace kärhanasy F-35 uçarlarynyň dwigatelleri üçin şaý öndürýär. Bu karar bilen Türkiye çykarylan F-35 programmasyna ýaňadandan gaýdyp bardy.