Hürriýet gazedi: "Erdogan: Olar ýaraglaryny taşlarlar ýa-da Siriýanyň topragynda gömülerler" söz başyly habarynda, Prezident Erdoganyň partiýasynyň TBMM-däki maslahatynda: "DAIŞ we PKK başda bolmak bilen terror guramalaryny ýok etmekde tutanýerlidiris.
Esktermist terror guramasynyň agzalary ýa ýaraglaryny taşlarlar ýa-da ýaraglary bilen bilelikde Siriýanyň topragynda gömülerler.Terror guramasyny ýok ederis.Terror guramalarynyň nähili meýilnamasy bar bolsa, elbetde biziň hem meýilnamamyz bar" diýendigini habar berýär.
Watan gazedi: "Ministr Memişogly: Siriýa saglygy goraýyş bilen bagly ähli görnüşli goldawy bereris" söz başyly habarynda, Türkiyäniň Saglygy goraýyş ministri Kemal Memişoglynyň, Siriýanyň Saglygy goraýyş ministri bilen geçiren telefon söhbetdeşligi bilen bagly: "Saglygy goraýyş bilen bagly ähli görnüşli goldawy we ýardamy berjekdigimizi özlerine aýtdyk" diýendigini beýan edýär.
Star gazedi: "3 basgançak ýokary galdyk" söz başyly habarynda, Türkiyäniň halkara maýa goýumlary üçin özüne çekiji merkeze öwrülendigini okyjy köpçüliginiň dykgatyna ýetirýär. Türkiye noldan başlap goýulýan maýa goýumlar boýunça 7-nji orundan Fransiýa, Beýik Britaniýa we Germaniýa döwletlerinden geçip, 4-nji oruna geçdi.
Ýeni Şafak gazedi: "ASELSAN-dan 58,6 million dollarlyk ylalaşyk" söz başyly habarynda, ASELSAN-yň Türki Döwletleriň Guramasyna agza ýurtlaryň biri bilen elektro-optiki we aragatnaşyk ulgamlarynyň gönüden satuwy boýunça jemi gymmady 58,6 million dollar bolan eksport ylalaşygyna gol çekendigini aýan edýär.
Haber Türk gazedi: "Türk alymlar Aýda we Marsda pomidor önümçiligini maksat edinýär" söz başyly habarynda, Egeý uniwersitetiniň Ylym fakultetiniň Biologiýa bölüminiň mugallymy Dos.Dr Rengin Özgür Uzildaýyň ýolbaşçylygynda geçirilýän taslama bilen Aýda we Marsda dörediljek dolandyrylýan kosmos koloniýalarynda pomidor önümçiliginiň amala aşyrylmagynyň maksat edinilýändigini habar berýär.