“Haber Türk” gazeti “Daşary işler ministri Fidan Damaskda saparda boldy” söz başyly habarynda, Daşary işler ministri Hakan Fidanyň Siriýanyň paýtagty Damaskda Siriýadaky täze hökümetiň lideri Ahmed aş Şera bilen duşuşandygyny ýazýar. Duşuşykda Siriýadaky geçiş etaby ara alnyp maslahatlaşyldy.
“Star” gazeti, “Ministr Güler: ähli aktýorlar indi hakykaty kabul edýär” söz başyly habarynda, Milli Goranmak ministri Ýaşar Güleriň wideo aragatnaşyk ulgamy arkaly geçirlen maslahatda, “Siriýanyň milli goşunynyň, Siriýanyň halky bilen birlikde terror guramalary tarapyndan basylyp alynan topraklary dolulygyna yzyna aljakdygyna ynanýaryn” diýendigini belleýär.
Ministr Güler, “Esasan sebitdäki ähli aktýorlar we hyzmatdaşlarymyz Türkiýäniň çözgüdiň açarydygy hakykatyny kabul edýär”diýdi.
“Watan” gazeti, “Ministr Ýerlikaýa: Siriýaly 124 müň 325 doganymyz watanlaryna dolandy” söz başyly habarynda, Içeri işler ministri Ali Ýerlikaýanyň Konýada beren beýannamasynda “Şu ýyl 9-njy dekabrdan bäri siriýaly 124 müň 325 doganymyz meýletin we howpsuz ýagdaýda watanlaryna dolandy. 2024-nji ýylda meýletin we howpsuz ýagdaý her aý ortaça 11 müň doganymyz watanlaryna dolandy.
Siriýanyň azatlygyna eýe bolmagyndan soň watanlaryna dolanan siriýalylaryň sany has-da artýar” diýen sözlerini okyjylarynyň dykgatyna ýetirýär.
“Hürriýet” gazeti, TBMM-niň başlygy Numan Kurtulmuş: Sionist ulgam Ýakyn Gündogara howp salmaga dowam edýär” söz başyly habarynda, TBMM-niň başlygy Numan Kurtulmuş, düýn Demirgazyk Makedoniýanyň paýtagty Skopýadaky halkara Balkan uniwersitetinde geçirlen çärede eden çykyşynda sionist ulgamyň Ýakyn Gündogary gana bulamaga dowam edýändigine ünsi çekendigini belleýär.
“Sabah” gazeti, “Yragyň demirgazygyndaky terrorçylar täsirsiz ýagdaýa getirildi” söz başyly habarynda, Milli Goranmak ministrliginiň düýn Yragyň demirgazygynda PKK-ly 6 terrorçynyň täsirsiz ýagdaýa getirlendigine ünsi çekendigini nygtaýar.