Haber Türk gazedi: "Jewdet Ýylmaz: Siriýa meýletin gaýdyp barmak üpjün ediler" söz başyly habarynda, wise-prezident Jewdet Ýylmazyň, Siriýanyň halkynyň parahatçylyk içinde ýaşamagy üçin ýurtlarynda zerur bolan şertleriň tiz wagtda ýola goýulmagy bilen birlikde, howpsuz we meýletin gaýdyp barmaklaryň hem üpjün ediljekdigini aýdandygyny habar berýär.
Ýeni Şafak gazedi: "Fidan: Millionlarça siriýaly ýurtlaryna gaýdyp baryp biler" söz başyly habarynda, Türkiyäniň daşary işler ministri Hakan Fidanyň ýurtlaryny terk etmäge mejbur galan millionlarça siriýalynyň indi ýurtlaryna gaýdyp baryp biljekdigini aýdandygyny okyjy köpçüliginiň dykgatyna ýetirýär. Fidan: "Indi jebisligiň we ýurdy ýaňdandan dikeltmegiň wagty" diýip belledi.
Star gazedi: "Fidan: PKK-nyň şahasy Siriýada kanuny tarap däl" söz başyly habarynda, Türkiyäniň daşary işler ministri Hakan Fidanyň Katarda Siriýada başdan geçirilen wakalar barada beýannama berendigini mälim edýär. Ministr Hakan Fidan: "PKK-nyň islendik şahasy Siriýada kanuny tarap hökmünde häsýetlendirilip bilinmez, duşuşyk geçiriljek tarap ýokdur" diýip nygtady.
Watan gazedi: "Siriýalylar Asadyň agdarylmagyny belläp geçdiler" söz başyly habarynda, Başar Asadyň agdarylmagyndan soň Türkiyede ýaşaýan siriýalylar şatlanandyklaryny beýan edýär. Ýurtlaryna gaýdyp barjakdyklaryny aýdan siriýalylar, myhmansöýerligi üçin Türkiyä minnetdarlyk bildirdiler.
Sabah gazedi: "Türkiyäniň ykdysady maksatnamasy ynamly" söz başyly habarynda, Bütindünýä bankynyň uly ykdysadyýetçisi Sibel Kulaksyzyň, Türkiyäniň ykdysadyýetiniň ähli ugurlar boýunça güýçli bir ýurtdugyny aýdandygyny aýan edýär. Sibel Kulaksyz Bütindünýä bankynyň Türkiye bilen bagly taslamalaryň tassyklanmak tapgyrynyň artmagynyň, ykdysady syýasatlara bolan ynamyň güýçlenendiginiň görkezijisidigini belledi.