“Hürriýet” gazeti, “Fidan: Siriýadaky içerki urşuň möwjemegini islemeýäris” söz başyly habarynda, Daşary işler ministri Hakan Fidanyň düýn Eýranyň Daşary işler ministri Abbas Arakçi bilen duşuşandygyny ýazýar. Fidan duşuşykdan soň beren beýannamasynda, “Siriýadaky içerki urşuň möwjemegini islemeýäris” diýdi.
“Star” gazeti, “Eýran: Türkiýe Siriýada uly rol oýnady” söz başyly habarynda, Eýranyň Daşary işler ministrliginiň metbugat sekretary İsmail Bekaýiniň, Türkiýe, Siriýadaky dartgynlygyň gözegçilik astyna alynmagynda uly rol oýnady” diýen sözlerine ýer berýär.
“Ýeni Şafak” gazeti, “Ministr Bolat: Noýabr aýynda eksportymyz 22,3 milliard dollara barabar boldy” söz başyly habarynda, Söwda ministri Ömer Boladyň, düýn beren beýannamasynda, “Noýabr aýynda eksportumyz geçen ýylyň noýabr aýy bilen deňeşdirilende 3,1 göterim azalyp 22,3 milliard dollara barabar boldy” diýen sözlerine ýer berýär. Bolat, 11 aýda daşarky söwda ýetmezçiliginiň hem 27 göterim azalandygyny belledi.
“Watan” gazeti, “Goranyş we awiasiýa senagatynyň eksporty rekord goýdy” söz başyly habarynda, Goranyş senagaty edarasynyň görkezijilerine görä, goranyş we awiasiýa senagatynyň eksportynyň 11 aýda 5 milliard 761 million dollar bilen uly rekord goýandygyny mälim edýär.
“Sabah” gazeti, “Antalýada syýahatçylyk pudagy taýdan rekord goýuldy” söz başyly habarynda, dünýäniň çar tarapyndan gelýän syýahatçylary kabul edýän Antalýanyň täze rekord goýandygyny habar berýär. Üstümizdäki ýylyň ilkinji 11 aýlyk döwründe Antalýa gelen syýahatçylaryň sany geçen ýylyň degişli döwrü bilen deňeşdirilende 8 göterim artdy.