“Ýeni Şafak” gazeti “Gazada durnukly ylalaşyk gazanylmasa, sebitde asudalyk bolmaz” söz başyly habarynda, Prezident R.T.Erdoganyň Türkiýede saparda bolýan Omanyň Soltany Heýsem bin Taryk bilen geçiren bilelikdäki metbugat ýygnagynda; “Liwanda ylalaşygyň gazanylmagy kanagatlandyryjy waka. Gazada durnukly ylalaşyk gazanylmasa, sebitleýin asudalyk bolmaz” diýen sözlerini çap edýär.
“Hürriýet” gazeti “72 terrorçy täsirsiz ýagdaýa getirildi” söz başyly habarynda, Milli goranmak ministrliginiň ýurduň içinde we daşynda geçirilen operasiýalar hakynda beren maglumatynda, soňky bir hepdede ekstremist terror guramasyna agza 72 terrorçynyň täsirsiz ýagdaýa getirilendigini beýan edendigini ýazýar.
“Haber Türk” gazeti “Oktýabrda eksport artdy” söz başyly habarynda, Türkiýäniň eksportynyň oktýabr aýynda geçen ýylyň degişli aýyna görä 3,1 göterim ýokarlap, 23,5 milliard dollara, importunyň bolsa üýtgemän, 29,4 milliard dollara barabar bolandygyny okyjy köpçüliginiň dykgatyna ýetirýar.
“Star” gazeti “Türkiýeden dostlukly ýurda “TURAL” eksporty” söz başyly habarynda, “Ramsa Sawunma” firmasynyň Baş müdiri Ramazan Güjükturalynyň öz dizaýn eden uçarmansyz howa enjamy “TURAL-yň” Aziýada böleginiň Pakistanda gurulmagy üçin ähtnama gol çekişendiklerini mälim edip, “Ilkinji şertnama bağlaşyldy, bir hepdäniň dowamynda geçiriş işleri tamamlanar. 1,5 aý soň ilkinji enjamymyz ulanmaga beriler” diýen sözlerini çap edýär.