Ýeni Şafak gazedi: "ABŞ-nyň Siriýadan çekilmegi bilen emele geljek täze ýagdaýa Türkiye hökmünde taýardyrys" söz başyly habarynda, Prezident Rejep Taýýip Erdoganyň, Braziliýa saparyndan gaýdyşyn uçarda beren beýanatynda: "Biz terrora garşy göreşimizi dowam etdireris.
ABŞ-nyň Siriýadan çekilmegi bilen emele geljek täze ýagdaýa Türkiye hökmünde taýardyrys.Milli howpsuzlygymyz ähli zatdan ozal geler we ähli zatdan ileri tutýarys" diýendigini habar berýär.
Haber Türk gazedi: "Erdogan: Baýdeniň Ukraina bagly kararyny dogry hasaplamaýarys" söz başyly habarynda, Türkiyäniň prezidenti Rejep Taýýip Erdoganyň, ABŞ-nyň prezidenti Jo Baýdeniň Ukraina beren uzak aralykly raketalaryň ulanylmagy bilen bagly kararayny dogry hasaplamaýandyklaryny we ähli bu zatlaryň sebiti we dünýäni täze we beýik söweşiň bosagasyna getirip biljekdigini aýdandygyny okyjy köpçüliginiň dykgatyna ýetirýär.
Star gazedi: "Baýraktar TB3-iň taryhy synagy Gresiýany gorkuzdy" söz başyly habarynda, Baýraktar TB3 uçarmansyz howa ulagynyň ilkinji uçuş we gonuş synagynyň Gresiýada giň seslenme döredendigini beýan edýär. Gresiýanyň metbugaty: "Bu hem Baýraktar TB3-iň tehnologik üstünligini subut edýär. Türkiye Baýraktar TB3-iň üstünligi bilen dünýä derejesinde ilkinji boldy" diýendigini aýan edýär.
Hürriýet gazedi: "THÝ-dan mugt syýahatçylyk mümkinçiligi" söz başyly habarynda, Türk howa ýollary kärhanasynyň daşary ýurtlardan gelen we başga bir ýurda gitmek üçin Stambul howa menzilinde garaşýan ýolagçylaryna "TourIstanbul" taslamasynyň çäginde mugt şäher syýahatçylygy mümkinçiligini hödürlejekdigini mälim edýär.
Sabah gazedi: "Dünýädäki iň täsirli 19 ýeriň sanawyna Türkiyeden bir bina girdi" söz başyly habarynda, Dünýädäki iň täsirli 19 ýeriň sanawynyň çap edilendigini habar berýär. Üýtgeşik we taryhy gurluşlaryň arasynda Türkiyeden Aýaofiýa bar.