“Sabah” gazeti “Erdogan: Zuluma garşy durmadygy taryh bagyşlamaz” söz başyly habarynda, Prezident R.T.Erdoganyň Braziliýada guralan G20-niň Sammiti hakynda beýanat berendigini ýazýar. Gazadada dowam edýän pajyga ünsleri çeken Erdogan: “Bu zuluma garşy durmadyklary taryh bagyşlamaz” diýdi.
“Hürriýet” gazeti “Ministr Bolat: Galkynma ýoly taslamasy üstünlik bilen tamamlanar” söz başyly habarynda, Söwda ministri Ömer Boladyň Türkiýe, Yrak, Katar we Birleşen Arap Emirlikleri tarapyndan gol çekişilen “Galkynyş ýoly taslamasynyň” strategik taslamadygyny aýdandygyny ýazýar. Ministr Bolat taslamanyň orta möhletde üstünlik bilen tamamlanjakdygyny beýan etdi.
“Star” gazeti “Baýraktar TB3 bütindünýä awiasiýa taryhyna geçdi” söz başyly habarynda, “Baýraktar TB3” ýaragly uçarmansyz howa ulagynyň gysga gonalgaly gämä gonup, uçmagyň hötdesinden gelen ilkinji dron hökmünde dünýäniň awiasiýa taryhyna geçendigini ýazýar. “TJG Anadoly” gämisinde geçirilen gamiden-gämä uçuş synagy üstünlik bilen tamamlandy.
“Haber Türk” gazeti “Türkiýe kruiz syýahatçylygynda üns merkezinde” söz başyly habarynda, ýylyň 10 aýynda türk portlaryna gelen kruiz gämileriniň sanynyň geçen ýylyň degişli döwrüne gröä 3,7 göterim artyp, 1112-ä, kruiz ýolagçy sanynyň bolsa 26,8 göterim artyp, 1,7 milliondan gowrak ýolagça barabar bolandygyny ýazýar.
“Watan” gazeti “Tarsus Gastranomiýa merkezi gelim-gidimli ýere öwrüldi” söz başyly habarynda, Mersin welaýatynyň Tarsus etrabyndaky Taryhy Siptilli söwda merkezinde açylan Gastranomiýa merkeziniň gysga möhletde halkyň gelim-gidimli ýerlerinden birine öwrülendigini okyjy köpçüliginiň dykgatyna ýetirýär.