“Haber Türk” gazeti “Erdogan G20-de Gaza boýunça çagyryş etdi” söz başyly habarynda, Prezident R.T.Erdoganyn Braziliýada geçirilýän G20-niň Sammitinde Gazada gytçylyk howpunyň “betbagtçylyk” derejesine ýetendigine ünsleri çekendigini ýazýar. Erdogan: “Gazada desssine we durnukly ylalaşygyň ýola goýulmagy üçin ýene-de bir gezek çagyryş edýärin” diýdi.
“Star” gazeti “Altun iki standartlylyk sebäpli bütin dünýä reaksiýa bildirdi” söz başyly habarynda, Prezidentiň ýanyndaky Kommunikasiýalar edarasynyň Başlygy Fahrettin Altunyň dünýäniň Ahyskada, Hojalyda, Bosniýada we başga sebitlerde edişi ýaly Gazadaky gyrgynçylyklara hem dymýandygyny aýdandygyny okyjy köçüliginiň dykgatyna ýetirýär. Altun söze gezek gelende adam hukuklarynyň egilşiksiz göreşijileri bolanlaryň musulmanlara gezek gelende dymýandyklaryny aýtdy.
“Sabah” gazeti “Türkiýe Blumberge reaksiýa bildirdi” söz başyly habarynda, Amerikanyn media organlaryndan “Blumbergiň” Ukraina hakyndaky habarynda Türkiýe barada berilen maglumatyň hakykaty beýan etmeýändigini mälim edendigini ýazýar.Daşary işler ministrligi Türkiýäniň Russiýa-Ukraina urşunyň bes edilmegi ugrundaky diplomatik başlangyçlary goldaýandygyny nygtady. “Blumbergiň” habarynda Türkiýäniň urşuň bes edilmegi üçin teklip taýýarlandygy, şol teklibiň çäginde Ukrainanyň Russiýa käbir egilşikleri etmeginiň göz öňünde tutulýandygyny öňe sürüpdi.
“Hürriýet” gazeti “Hüržet raketa atyş ukybyna eýe bolar” söz başyly habarynda, Türkiýäniň ýerli we milli önümi bolan ýeňil söweşjeň uçary “Hüržetiň” ikinji prototipiniň uçuşuny amala aşyrandygyny okyjy köpçüliginiň dykgatyna ýetirýär. Ýerli uçaryň ganatlaryna lanserleriň birikdirildi we şeýlelikde uçar raketa atma ukybyna eýe bolar.
“Ýeni Şafak” gazeti “Türkiýede işsizligiň sany azalýar, iş üpjünçiligi artýar” söz başyly habarynda, Türkiýede işsizleriň sanynyň ýylyň üçünji çärýegşinde geçen çärýege görä 0,1 göterima zalyp, 8,7 göterime barabar bolandygyny mälim edýär. İş bilen üpjün edilenleriň sany bolsa 2024-nji ýylyň 3-nji çärýeginde öňki çärýege görä 136 müň adam artyp, 32,734 000 adama, iş üpjünçiliginiň mukdary boylsa 0,1 bal ýokarlap 49,6 göterime deň boldy.