“Haber Türk” gazeti, “Türkiýeden terrora garşy göreşde möhüm ýüzlenme” söz başyly habarynda Prezidentiň Baş kömekçisi Mehmet Uçymyň, terrora garşy göreş boýunça möhüm ýüzlenme berendigini ýazýar. Uçum, “Türkiýe, milli howpsuzlygyna we bitewiligine, Ýakyn Gündogaryň gelejegine zeper ýetirip biljek haýsydyr bir ulgama asla rugsat bermez” diýdi.
“Watan” Gazeti, “Ömer Çeligiň TUSAŞ beýannamasy” söz başyly habarynda, Adalat we ösüş partiýasynyň metbugat sekretary Ömer Çeligiň, Türk awiasiýa we kosmos senagaty firmasy TUSAŞ-a guralan hyýanatçylykly hüjümiň Türkiýäniň ünsüni başga tarapa çekmegi maksat edinýändigi hakyndaky sözlerine ýer berýär. Çelik, “Biz Türkiýede ýurduň içinde we daş-töweregimizde terrora garşy göreşmegi bilýäris” diýdi.
“Star” gazeti, “Türki döwletleriň guramasyna agza ýurtlaryň arasyndaky hyzmatdaşlyk pugtalanýar” söz başyly habarynda, Türki döwletleriň guramasyna agza ýurtlaryň arasynda, senagat, bilim we tehnalogiýa ýaly ugurlarda edilýän hyzmatdaşlygyň artdyrylmagy maksady bilen 12 iş toparynyň döredilendigini mälim edýär. Senagat we tehnalogiýa ministri Mehmet Fatih Kajyr, “Bilim, senagat we tehnalogiýa ýaly ugurlarda möhüm taslamalary durmuşa geçireris” diýdi.
“Ýeni Şafak” gazeti, “Milli harby uçar KAAN-a ýerli kiber howpsuzlyk galkany” söz başyly habarynda, Türk goranyş senagaty pudagy boýunça iş alyp barýan esasy firmalardan biri bolan STM, kiber howpsuzlyk taýdan durmuşa geçirýän taslamalary bilen ünsleri özüne çekýändigini nygtaýar. STM, Milli harby uçar KAAN-y ýerli kiber howpsuzlyk galkany bilen üpjün edýär.
“Sabah” gazeti, “Ýer-gök gyzyl-ak reňke bürüner” söz başyly habarynda, 29-njy oktýabr Respublika baýramynda, Türkiýe Respublikasynyň 101 ýyllygynyň Edirneden Karsa çenli ýurduň çar tarapynda dabaraly ýagdaýda bellenilip geçiljekdigini ýazýar.
Baýramçylyga bagyşlanyp paýtagt Ankarada harby parad geçirler. Türk deňiz güýçleri tarapyndan 29 gämi bilen 29 pota barlar. Stambul şäherinde SOLOTÜRK, Izmirde bolsa Türk ýyldyzlaryň akrotabiki uçuşlary amala aşyrlar.