“Hürriýet” gazeti, “Şolsyň Türkiýede beren ýüzlenmeleri nemes metbugatynda” söz başyly habarynda, Germaniýanyň Federal Kansleri Olaf Şolsyň Türkiýä guran saparynyň çäginde Prezident R. T. Erdogan bilen birlikde metbugata beren beýannamasyndaky ýüzlenmeleriniň nemes köpçülikleýin habarlar beriş serişdeleriniň ünsüni özüne çekendigini ýazýar.
Habarlarda resmi Berliniň Türkiýe bilen edýän gatnaşyklarynda täze başlangyjyna üns çekildi.
“Habar Türk” gazeti, “Milli Howpsuzlyk gullugy Süleýmaniýede operasiýa geçirdi” söz başyly habarynda, Milli Howpsuzlyk gullugynyň, terror guramasy PKK/KJK üçin sebitiň ýaşaýjylaryndan paç alan guramanyň jogapkärlerinden Jaiza Selber bilen Emine Ulaşy Yragyň demirgazygynda ýerleşýän Süleýmaniýe etrabynda täsirsiz ýagdaýa getirendigini mälim edýär.
“Star” gazeti, “Türkiýäniň Ýagşylyk gämisi Somala bardy” söz başyly habarynda, Tebigi apatlar we adatdan daşary ýagdaýlar edarasy AFAD tarapyndan açlyga garşy göreşýän Somaliniň halky üçin ugradylan 3 müň tonnalyk ynsanperwer kömek gämisiniň Somala barandygyny habar berýär.
“Sabah” gazeti, “Türkiýe elektrik togy önümçiligini artdyrmagy maksat edinýär” söz başyly habarynda, Enegetika we tebigi serişdeler ministrliginiň, elektrik togy önümçiliginde gaýtadan işlenip çykarylýan energiýa serişdeleriniň paýyny geljek ýyl 47,8 göterime ýetirmegi göz öňünde tutýandygyna ünsi çekýär.
“Ýenişafak” gazeti, “Türk azyk öndürijileri Fransiýada” söz başyly habarynda, türk azyk senagaty pudagynyň Fransiýanyn paýtagty Parižde geçirilýän dünýäniň iň uly azyk we içgi sergisi SIAL-e şu ýyl 346 firma bilen gatnaşýandygyny okyjylarynyň dykgatyna ýetirýär.