“Haber Türk” gazeti “Erdogan: Türkiýe palestinaly we liwanly doganlaryny goldaýar” söz başyly habarynda, Prezident R.T.Erdoganyň özygtyýarly Palestinadöwleti gurulýança arman-ýadaman göreşi dowam etdirjekdiklerini aýdandygyny ýazýar. Erdogan: “Türkiýe palestinaly we liwanly doganlaryny goldaýar” diýdi.
“Ýeni Şafak” gazeti “Erdogan: Ýeňiş Gazanyňky we Liwanyňky bolar” söz başyly habarynda, Prezident R.T.Erdoganyň “Gazada we Liwanda ölen diňe bir çagalar, zenanlar, garrylar we asuda ilat däl, eýsem adamzadyn wyždanydyr” diýen sözlerini çap edýär. Erdogan; “Wagty geler, bu göz ýaşy we gam-gussa durar. Palestinanyň basylyp alynan ýerlerinde çagalar azat-erkana oýnar” diýdi.
“Hürriýet” gazeti “Erdogan Ysraýyl howpuna garşy degişli çäreleri görýäris” söz başyly habarynda, Prezident R.T.Erdoganyň Ysraýylyň öňi alynman halatynda, bu imperialistligiň nirä çenli gelip ýetjekdigini bilýändiklerini aýdandygyna ünsleri çekýär. Erdogan: “Ýurdumyza abanýan howpa göz ýetirýäris, degişli çäreleri görýäris” diýdi.
“Ministr Fidanyň Iýerusalim hakyndaky ýüzlenmesi” söz başyly habarynda, Daşary işler ministri Hakan Fidanyň “Türkiýäniň, Haşimid Patyşalygynyň İýerusalimdäki mukaddes ýerlere hemaýat etme pozisiýasyny goldaýandygyny aýdandygyny ýazýar. Fidan: “Biz Ysraýyl-Palestina dartgynlygynda bolşy ýaly, mukaddes ýerleriň hukuk derejesiniň goralmagynda-da İordaniýa Haşimid Patyşalygy bilen ylalaşýarys” diýdi.
“Sabah” gazeti “Ministr Baýraktar Hytaýda saparda bolýar” söz başyly habarynda, Energetika we tebigy baýlyklar ministri Alparslan Baýraktaryň Hytaýa guran saparynda ilkinji nobatda “CNOS” firmasynyň ýolbaşçylary bilen duşuşandygyny mälim edýär. Ministr Baýraktar Türkiýäniň 2050-nji ýyla çenli atom energiýa güýjüni 20 müň megawata ýetirmegi meýilleşdirýändigini aýtdy.