“Haber Türk” gazeti “Erdogan: Ysraýyl sionist terror guramasydyr” söz başyly habarynda, Prezident R.T.Erdoganyň wada berilen ýerleriň hyýalyna çümen Ysraýylyň esasy maksadynyň sebitleýin häsýete eýedigini aç-açan görýändiklerini aýdandygyny ýazýar. Erdogan: Howpsuzlygymyzdan egilşik etmeris. Wada berilen ýerleriň hyýalynyň soňy puç bolar. Ysraýyl sionist terror guramasydyr” diýdi.
“Hürriýet” gazeti “Erdogan Palestinany goldaýan talyplary gutlady” söz başyly habarynda, Prezident R.T.Erdoganyň genosid fronty Palestinany goldaýan İspaniýada, Norwegiýada, Sloweniýada we ýene-de ençeme ýerde gysyşlara garamazdan egilşik etmeýan ýurtlary, halklary, esasanda wyždanly talyplary gutlandygyny ýazýar.
“Ýeni Şafak” gazeti” Harby gämiler bilen ewakuasiýa” söz başyly habarynda, türk harby gämileriniň Liwandan 2 mün raýaty ewakuasiýa edendigini okyjylarynyň dykgatyna ýtetirýar. 2 fyrkat we 2 patrul gämisi Beýruda ynsanperwer kömek alyp gitdi.
“Star” gazeti “Selçuk Baýraktar emeli intellekt boýunça teklip bilen çykyş etdi” söz başyly habarynda, T3 gaznasynyň başlygy Selçuk Baýraktaryň Gyrgyzstanda Türki döwletleriň guramasy tarapyndan geçirilen Digital foruma gatnaşandygyny ýazýar. Baýraktar forumda sözlän sözünde emeli intellekt boýunça alyp barýan işleri hakynda maglumat berip, “T3 AI” ýaly uly dil modellerini dizaýn edendiklerini aýtdy we “Muny türki dünýäde ýaýbaňlandyryp bileri” diýdi.
“Sabah” gazeti “Dünýäniň aragatnaşyk ugry Stambulda kesgitlener” söz başyly habarynda, Halkara ýol federasiýasynyň Bütindünýä ýol maslahatynyň 15-18-nji oktýabrda Stambulda geçiriljekdigini ýazýar. Gara ýollary pudagy üçin möhüm ugurlar boýunça pikir alyşyljak maslahatda, täze platformanyn dörediljekdigi habar berildi.