Haber Türk gazedi: "Türkiye Liwanyň we Palestinanyň halkynyň ýanynda" söz başyly habarynda, Milli Howpsuzlyk geňeşiniň maslahatynyň prezident Rejep Taýýip Erdoganyň ýolbaşçylyk etmeginde geçirilendigini habar berýär. Maslahatdan soň berilen beýanatda, Ysraýylyň Liwana we Palestina garşy guraýan hüjümlerine ünsler çekilip, halkara aktýorlara çagyryş berildi.
Hürriýet gazedi: "Türkiye Siriýada terror koridoryna rugsat bermez" söz başyly habarynda, Milli Howpsuzlyk geňeşi tarapyndan çap edilen jarnamada, Siriýanyň territoriýasynda ýygnanan terror guramalarynyň täsirsiz ýagdaýa getirilmegi bilen bagly işleriň arakesmesiz ýagdaýda dowam edýändigi we Türkiyäniň milli howpsuzlygyna wehim saljak islendik meýilnama we herekete rugsat berilmejekdigi aýdylýandygyny okyjy köpçüliginiň dykgatyna ýetirýär.
Star gazed: "Ömer Çelikden sebitleýin uruş duýduryşy" söz başyly habarynda, Adalat we ösüş partiýasynyň başlygynyň orunbasary we partiýanyň metbugat geňeşçisi Ömer Çeligiň, Ysraýylyň Liwana garşy guraýan hüjümleri bilen bagly: "Genosid syýasaty durmasa sebitleýin uruş ýüze çykyp biler" diýendigini mälim edýär.
Ýeni Şafak gazedi: "Kipr adasy üçin sene belli boldy" söz başyly habarynda, BMG-nyň metbugat geňeşçisi Stefan Dýužarrikiň Kipr adasyndaky taraplaryň 15-nji oktýabrda duşuşyk geçirjekdiklerini beýan edýär. BMG-nyň Baş sekretary Antoniu Guterriş DKTR-nyň prezidenti Ersin Tatary we Kipriň Grek Böleginiň dolanşygynyň lideri Nikos Hristodulidisi resmi bolmadyk geňeşmelere çagyrypdy.
Sabah gazedi: "THÝ dünýä ägirdi bolmak ugrunda ynamly ädimler bilen öňe barýar" söz başyly habarynda, Türk Howa Ýollary karhanasynyň dolanşyk geňeşiniň we Ýerine ýetirijiler komitetiniň başlygy Ahmet Boladyň 10 ýylda 810 uçary bolan dünýädäki iň uly 4-nji howa ýollary kärhanasy bolmagy maksat edinýändiklerini aýdandygyny habar berýär.