“Star” gazeti “Fidan: İordaniýada we Müsürde uruş howpy bar” söz başyly habarynda, Daşary işler ministri Hakan Fidanyň Liwandaky hüjümler hakynda: “Ysraýylyň hüjümlerini günsaýyn Liwana tarap giňeltmäge başlandygyny görýäris” diýip, İordaniýany we Müsüri, hat-da bütin sebiti sebiti öz içine alýan uruş howpunyň elmydama bardygyny, Netanýahunyň ony giňeltmek isleýändigini aýdandygyny ýazýar.
“Haber Türk” gazeti “Türkiýäniň ilkinji göçme önümçilik platformasy Çanakgala bardy” söz başyly habarynda, Türkiýäniň ilkinji göçme önümçilik, ammarlaýyş we saplaýyş platformasynyň Çanakgala barandygyny mälim edýär. 2026-njy ýylda Sakarýa gaz giňişliginde ulanmaga berilip, günlük 10 million m3 tebigy gazy işläp çykarjak platforma, 4 million hojalygyň tebigy gaz islegini kanagatlandyrar.
“Ýeni Şafak” gazetş “Britaniýanyň Türkiýe hakyndaky üns çekiji habarnamasy” söz başyly habarynda, merkezi Londonda ýerleşýän halkara energetika ylmy-barlag guramasy “Emberiň” habarnamasynda; “Türkiýe geçen ýyla garalanda gün energiýasyny öndüriji desgalarynyň gurulmagyna ýokary depginde goldaw berern ýurtlaryň hatarynda durýar” diýilýändigini okyjy köpçüliginiň dykgatyna ýetirýär.
“Sabah” gazeti “Dünýäniň iň gowy 100 şäheriniň sanawynda Türkiýeden 3 şäher bar” söz başyly habarynda, merkezi Britaniýada ýerleşýän ylmy-barlag firmasy “Ýewromonitor” “Dünýäniň iň gowy 100 şäheri” sanawynda Türkiýeden 3 şähere orun berendigini mälim edýär. Sanawda Stambul, Antalýa we Mugla welaýatynyň Bodrum şäheri bar.
“Hürriýet” gazeti “Türk howaýollary “dünýäniň ilkinji çöregini ýolagçylaryna hödürlär” söz başyly habarynda, Türk howaýollarynyň Şanlyurfa welaýatynyň Göbeklidepe sebitinde bugdaýdan öndürilen “dünýäniň ilkinji çöregi” hökmünde häsýetlendirilen çöregi 22-nji sentýabrda ABŞ-nyň Nýu-Ýork şäherine gurajak saparynda ýolagçylaryna hödürlejekdigini ýazýar.