“Sabah” gazeti “Soňky bir hepdede 95 terrorçy täsirsiz ýagdaýa getirildi” söz başyly habarynda, Milli goranmak ministrliginiň Metbugat-maglumatlandyryş ýygnagynda düýn terrorizme garşy göreş boýunça görkezijileriň beýan edilendigini ýazýar. Şol çäkde Türk ýaragly güýçlerinin geçiren operasiýalarynda soňky bir hepdede 95 terrorçynyň täsirsiz ýagdaýa getirilendigi mälim edildi.
“Hürriýet” gazeti “Türkiýeden Britaniýa eksport rekordy” söz başyly habarynda, Türkiýäniň eksportçylar mejlisiniň görkezijilerine görä Türkiýäniň 8,3 milliard dollar bilen Britaniýa ähli döwürleriň iň ýokary ýanwar-awgust eksportuny amala aşyrandygyny ýazýar.
“Star” gazeti “Akynjy “Kuzgun” bilen nyşanany gyşarnyksyz urdy” söz başyly habarynda, “Baýraktar Akynjy” uçarmansyz howa hüjüm ulagynyň “Kuzgun-SS” ýaragy bilen geçiren synagyny üstünlik bilen amala aşyrandygyny okyjylarynyň dykgatyna ýetirýär. “Akynjy” “Kuzgun” bilen nyşanany gyşarnyksyz urdy. Synag pursadynyň ýazgylaryny “Baýkar” firmasynyň ýolbaşçysy Selçuk Baýraktar paýlaşdy.
“Ýeni Şafak” gazeti “Türk howaýyllarynyň Sidneýe saparlary başlaýar” söz başyly habarynda, Türk howaýollarynyň Awstraliýanyň paýtagty Sidneýe Stambuldan ikitaraply uçuşlaryň 4-nji dekabrda başlajakdygyny mälim edendigini ýazýar. Stambul-Sidneý aralygynda guraljak saparlar hepdede 4 gün Kuala-Lumpuryň üstaşyr amala aşyrylar.
“Haber Türk” gazeti “Domuztepede 7,600 ýyllyk çaga skleti tapyldy” söz başyly habarynda, Kahramanmaraş welaýatynyň Türkogly etrabyndaky Domuztepe hoýýugyda geçirilýän gazuw-agtaryş işlerinde 7,600 ýyllyk çaga skletiniň tapylandygyny mälim edýär.