“Hürriýet” gazeti “Prezident Erdoganyň möhüm ýüzlenmeleri” söz başyly habarynda, Prezident R.T.Erdoganyn Türkiýä sapara gelen Müsüriň döwlet Ýolbaşçysy Abdulfattah as-Sisi bile geçiren bilelikdäki metbugat ýygnagynda; “Türkiýe we Müsür Palestina meselesinde şolbir pozisiýany eýeleýär. Hüjümleriň bes edilmegi we durnukly ylalaşyk biziň ileri tutýan esasy ugrumyz bolmagynda galýar” diýen sözlerini çap edýär.
“Sabah” gazeti “Türkiýäniň Merkezi banky bilen Saud Arabystanynyň Merkezi bankynyň arasynda hyzmatdaşlyk ediler” söz başyly habarynda, Türkiýäniň Merkezi banky bilen Saud Arabystanynyň Merkezi bankynyň arasynda merkezi bank ulgamy boýunça hyzmatdaşlygyň ösdürilmegi hakyndaky ähtnama gol çekişilendigini okyjy köpçüliginiň dykgatyna ýetirýär.
“Star” gazeti “Ortaýer deňizini aşan “HÜRŽET Müsürde möhüm başlangyç etdi” söz başyly habarynda, Türk awiasiýa we kosmos senagaty paýdar jemgyýetiniň reaktiw tälim uçary “HÜRŽET-iň” Müsürde geçirilen Halkara Müsür awiasiýa sergisiniň birinji gününde görkezliş uçuşyny amala aşyrandygyny okyjy köpçüliginiň dykgatyna ýetirýär.
“Watan” gazeti “Bursanyň gara injiri ÝB-de bellige alyndy” söz başyly habarynda, Bursa welaýatynyň gara injiriniň Ýewropa bileleşigi tarapyndan bellige alynandygyny ýazýar. Oba we tokaý hojalygy ministri Ibrahim Ýumakly Bursanyň gara injiriniň Türkiýäniň adyndan ÝB-den belgi alan 26-njy önüm bolandygyny beýan etdi.
“Haber Türk” gazeti “THÝ-niň Çilä saparlary başlaýar” söz başyly habarynda, Türk howa ýollarynyň Çilä saparlarynyň 18-nji dekabrda başlajakdygyny mälim edýär. THÝ-niň Baş müdiri Bilal Ekşi sosia media hasabyndan beren habarnamasynda Stambuldan Çilä saparlaryň 18-nji dekabrdan hepdede 4 uçuş bilen başlajakdygyny mälim etdi.