“Sabah” gazeti “Erdogan Saud Arabystanynyň mirasdüşer Şazadasy Muhammed bin Salman bilen telefon arkaly söhbetdeş boldy” söz başyly habarynda, Prezidenti R.T.Erdoganyň düýn Saud Arabystanynyň mirasdüşer Şazadasy Muhammed bin Salman bin Abdulaziz Al Suud bilen telefon arkaly söhbetdeşlik geçirendigini ýazýar.
Erdogan telefon söhbbetdeşliginde Ysraýylyň hüjümleriniň we adam hukuklaryna edýän basgylamalarynyň bes edilmeginiň, hüjümleriň durnukly bes edilmeginiň ýola goýulmagynyň gerekdigini beýan edip, bu meselede musulman ýurtlarynyň bilelikde hereket etmeginiň ahmiýeti hakynda durup geçdi.
“Hürriýet” gazeti “Yragyň we Siriýanyň demirgazygynda 17 terrorçy täsirsiz ýagdaýa getirildi” söz başyly habarynda, düýn Yragyň demirgazygyndaky Gara, Metina we “Penje-Gulp” operasiýa zolaklarynda 15 PKK terrorçusy bilen Siriýanyň demirgazygyndaky Manbij etrabynda 2 PKK/ÝPG terrorçusynyň täsirsiz ýagdaýa getirilendigini ýazýar.
“Star” gazeti “İlkinji gezek ýarag bilen uçdy” söz başyly habarynda, “Türk awiasiýa we kosmos senagaty paýdarlar jemgyýeti” (TUSAŞ) tarapyndan öndürilen uçarmansyz howa ulagy “ANKA 3-iň” ýarag bilen ilkinji uçuşyny amala aşyrandygyny okyjy köpçüliginiň dykgatyna ýetriýär.
“Watan” gazeti “Stambul ýylyň 7 aýynda 10,5 milliona barabar syýahatçy kabul etdi” söz başyly habaryda, Stambula ýylyň 7 aýynda gelen daşary ýurtly syýahatçy sanynyň geçen ýylyň degişli döwrüne görä 7 göterim ýokarlap, 10,46 milliona barabar bolandygyny ýazýar.
Welaýat medeniýet we syýahatçylyk müdirliginiň görkezijilerine görä iýul aýynda gelen daşary ýurtly syýahatçylaryň arasynda ruslar 192 müň adam bilen birinji orny eýeledi.
“Haber Türk” gazeti “Pariž 2024 Paralimpik oýunlarynda milli türgenleriň taryhy üstünligi” söz başyly habarynda, Pariž 2024 Paralimpik oýunlarynda bäsleşen türk türgenleriniň häzirki wagta çenli uly üstünlik gazanandygyny mälim edýär. Türk türgenleri Parižde 8-nji sentýabra çenli dowam etjek çärede häzirki wagta çenli 3 altyn, 5 kümüş, 2 bürünç medal aldy.