“Haber Türk” gazeti “Türkiýe Ysraýylyň daşary işler ministrine reaksiýa bildirdi” söz başyly habarynda, Daşary işler ministrliginiň Ysraýylyň Daşary işler ministri Ýisrael Katsyň sosial mediadan beren habarnamasy hakynda beren beýannamasynda; “Gürrüňi edilýän adamyň üns berilmäge mynasyp bolma aýratynlygyny ýitirenine köp wagt boldy” diýilýändigini ýazýar. Beýannamada; “Türkiýe geçmişde bolşy ýaly şu günki günde-de palestinalylara güýçli goldawyny dowam etdirer” diýilýär.
“Hürriýet” gazeti “Fidanyň Palestina döwleti hakyndaky beýanaty” söz başyly habarynda, Daşary işler ministri Hakan Fidanyň Ysraýylyň Palestina guraýan hüjümi hakynda “Palestinalylar sözüň doly manysynda döwlete eýe bolmagyna ýol berilmeýär. Palestina döwleti gurulmasa, sebitde hiç kim asuda ýaşamaz” diýen sözlerini okyjy köpçüliginiň dykgatyna ýetirýär.
“Sabah” gazeti “Ysraýylyň mediasynda kabul ediji söz başylar: Türkiýäniň boýkody agyr zarba urdy” söz başyly habarynda, Türkiýäniň Gazadaky gyrgynçylyk sebäpli maý aýynda Ysraýyla garşy boýkot kararyny kabul edendigini ýatladýar. Ysraýylyň media organlarynda türk boýkodynyň agyr netijelerine üns çekilýän makalalar çap edildi. Türkiýäniň boýkot kararynyň Ysraýyl üçin agyr zarba bolandygy nygtalýar.
“Star” gazeti “Dünýäniň goranyş senagaty boýunça esasy 100 firmasy yglan edildi” söz başyly habarynda, merkezi ABŞ bolan dünýäniň iň abraýly goranyş senagaty sanawy kabul edilýän “Defens Nýus Top 100-däki” türk firmalarynyň sanynyň 5-ä ýetendigini ýazýar.
Sanawda 42-nji orunda “ASELSAN”, 50-nji orunda “TUSAŞ”, 71-nji orunda “ROKETSAN”, 84-nji orunda Maşyn gurluşyk we himiýa sesnagaty” we 94-nji orunda “ASFAT” firmasynyň durýandygyny okyjy köpçüliginiň dykgatyna ýetirýär.
“Watan” gazeti “Toruň soltanlary olimpiadada ýarym finalda” söz başyly habarynda, 2024 Pariž olimpia oýunlarynda türk zenan milli woleýbol komandasynyň çärýek finalda Hytaýy utandygyny mälim edýär. Türk zenan woleýbol ýygyndysy Hytaýy 3-2 hasabynda utup ýarym finala çykdy we 9-njy awgustda Italiýa bilen bäsleşer.