“Ýeni Şafak” gazeti “Türkiýäniň ýerli aragatnaşyk hemrasy “TÜRKSAÝ 6A-dan ilkinji signal alyndy” söz başyly habarynda, Türkiýäniň ilkinji ýerli we milli aragatnaşyk hemrasy “TÜRKSAT 6A-nyň” ABŞ-nyň Florida ştatyndaky Kennedi Kosmos merkezinden üstünlikli ýagdaýda orbita atylmagyndan soň emeli hemradan ilkinji signalyň alynandygyny ýazýar.
“Hürriýet” gazeti “Russiýanyň Türkiýe hakyndaky üns çekiji beýanaty” söz başyly habarynda, Kremliň metbugat sekretary Dmtriý Peskowyň Türkiýäniň Ukraina meselesiniň çözülmegi boýunça parahatçylyk platformasynyň döredilmegi hakyndaky pikirini goldaýandyklaryny beýan edendigini okyjy köpçüliginiň dykgatyna ýetirýär.
“Star” gazeti “Türkiýe ÝB-ne Gümrük bileleşigi boýunça ýüzlendi” söz başyly habarynda, Türkiýe-ÝB Ýokary derejeli söwda dialogynyň çägindäki İşewür dünýäsiniň tegelek stol maslahatynda çykyş eden Söwda ministri Ömer Boladyň, Türkiýe bilen ÝB-niň arasyndaky Gümrük bileleşiginiň şertlere görä özgerdilip, giňeldilmelidigini aýdandygyny ýazýar.
“Sabah” gazeti “Türk emläkleri ýerlikli maýa goýum bolar” söz başyly habarynda, dünýäde “Maýa goýum bilermeni” hökmünde tanalýan amerikaly maýadar we maliýe hünärmeni Jim Rogersiň “Türkiýäniň ykdysady syuýasatlaryny özgertmegi bilen daşary ýurtly maýadar yzyna dolanar. Türkiýe häzirki wagtda ýerlikli başlangyçlary edýän bolsa, ol iňňän dogry maýa goýum bolar” diýen sözlerini çap edýär.
“Haber Türk” gazeti “Türk milli ýygyndysynyň 5 futbolçysynyň bazar gymmaty çarpaýa galdy” söz başyly habarynda, EURO 2024-de üstünlikli oýnap Ýewropanyň iň başarjaňlarynyň hataryna goşulan türk ýygyndysynda öňe saýlanan 5 futbolçynyň kariýerasynyň çarpaýa galandygyny mälim edýär.
olaryň başynda Ferdi Kadyogly, Arda Güler, Baryş Alper Ýylmaz, Mert Müldür we Merih Demirala kesgitlenen nyrhlar ýokarlady. 5 futbolçynyň jemi gymmatynyň 155 million ýewra barabardygy beýan edilýär.