“Hürriýet” gazeti “Daşary işler ministrliginiň Metbugat sekretary Keçeli ysraýylly ministriň habarnama reaksiýa bildirdi” söz başyly habarynda, Daşary işler ministrliginiň Metbugat sekretary Önjü Keçeliniň Ysraýylyň Daşary işler ministri Eli Koheniň sosial media hasabyndan beren habarnamasyna reaksiýa bildirip; “Basyp alyjy güýjüň asyda ilata elhenç hüjümleri haýsydyr bir şertde kanuny goranyş hökmünde kabul edilmez” diýendigini ýazýar.
“Sabah” gazeti “Kurtulmuş: Palestinadaky hassahanany Ysraýyl bombalady, bütin dünýä syn etdi, adamkärçilik nirede!” söz başyly habarynda, Türkiýäniň Beýik Millet Mejlisiniň Başlygy Numan Kurtulmuşyň beren beýannamasynda, Ysraýylyň zulumyna synçy bolup galan ýurtlara reaksiýa bildirip; “Palestinadaky hassahanany Ysraýyl bombalady. 32 bäbek jan berdi we bütin dünýä syn etdi. Adamkärçilik nirede” diýendigini okyjy köpçüliginiň dykgatyna ýetirýär.
“Ýeni Şafak” gazeti “Penje-Gulp” operasiýa zolagynda ýaragly uçarmansyz howa ulaglary bilen operasiýa” söz başyly habarynda, Yragyň demirgazygyndaky “Penje-Gulp” operasiýa zolagynda düýn anyklanan 3 PKK terrorçysynyň Türk ýaragly güýçleri tarapyndan ÝUHU-lar bilen täsirsiz ýagdaýa getirilendigini mälim edýär.
“Watan” gazeti “Daşary söwdada täze rekord” söz başyly habarynda, Söwda ministri Ömer Boladyň noýabr aýynda daşary söwdada taryhyň iň ýokary çägine ýetilendigini aýdandygyna ünsleri çekýär. Ministr Bolat noýabr aýynda 23,01 milliard dollarlyk eksport edilendigini habar berdi.
“Star” gazeti “Toprak Razgratlyogly: Maksadymyz dünýä çempiony bolmak” söz başyly habarynda, Bütidünýä superbike çempionadyny 552 bal bilen 2-njiorunda tamamlan milli motosiklet türgeni Toprak Razgratlyoglynyň ylalaşan täze komandasynda gaýtadan dünýä çempiony bolmagy maksat edinýändigini aýdandygyny ýazýar.