“Hürriýet” gazeti, “Türkiýäni energetika merkezine öwüreris” söz başyly habarynda, Prezident R. T. Erdoganyň Russiýa guran iş saparyndan gaýdyşyn uçarda beren beýannamasynda “ Türkiýede guruljak tebigy gaz merkezi gazyň akdyrylmagy we nyrhy meselesinde uly rol oýnar. Ýurdumyzy energetika merkezine öwüreris diýipdik we munyň üçin amatly şert dörederis” diýendigini ýazýar.
“Sabah” gazeti, “Fidan Gresiýaly kärdeşi bilen duşuşdy” söz başyly habarynda, Daşary işler ministri Hakan Fidanyň düýn Gresiýanyň Daşary işler ministri Ýorgos Ýerapetritis bilen duşuşandygyny habar berýär. Hakan Fidan duşuşykdan soň beren beýannamasynda “Gresiýa bilen täze döwre girdik” diýen sözlerine ýer berýär.
“Ýeni Şafak” gazeti, “Türkiýe bilen Ýaponiýa özara gatnaşyklaryny pugtalandyrar” söz başyly habarynda, Söwda ministri Ömer Bolatyň, Türkiýe bilen Ýaponiýanyň arasynda söwda we maýa goýum hyzmatdaşlygyny höweslendirmek üçin Türkiýe-Ýaponiýa maýa goýum sammitiniň yzygiderli ýagdaýda geçirilmegi boýunça karar kabul edendikleri hakyndaky sözlerine ýer berýär.
“Watan” gazeti, “Türkiýäniň funduk eksporty 1 milliard 795 million dollara barabar boldy” söz başyly habarynda, Türkiýäniň, 2022-2023 funduk eksport möwsüminde fundukdan 1 milliard 795 million dollarlyk girdeji gazanandygyny habar berýär.
Gara deňiz funduk we funduk önümleri eksportçylar bileleşiginden berlen ýazmaça beýannamada, ady agzalýan döwürde 298 müň 557 tonna fundugyň eksport edilip 1 milliard 795 million 189 müň 783 dollarlyk girdeji gazanylandygy nygtaldy.
“Star” gazeti, “Woleýbolçy gyzlar täza maksatlaryna ýetmek üçin uçar” söz başyly habarynda, dünýäde zenan woleýbolynda 1-nji orny eýeleýän we Ýewropanyň çempiony bolan Türkiýäniň milli ýygyndy zenan woleýbol komandasynyň 2024-nji Pariž olimpiada oýunlarynyň seçip alyş bäsleşiklerine gatnaşmak üçin 8-nji sentýabrda Ýaponiýa gitjekdigini ýazýar.
Türkiýäniň milli ýyğyndy zenan woleýbol komandasy B toparynda ýer eýesi Ýaponiýa bilen birlikde Braziliýa, Belgiýa, Bolgariýa, Porto-Riko, Arentina we Peru bilen bäsleşer.