“Ýeni Şafak” gazeti “Foreign Polisi” Erdoganyň daşary syýasatyny ýazdy: Strategik gtaraşsyzlyk güýç we eşret” söz başyly habarynda, soňky döwürde dünýä syýasatynda eýeleýän pozisiýasy bilen ünsleri özüne çekýän Türkiýe hakynda “Foreign Polisi” žurnalynyň analiz makala çap edendigini ýazýar.
Türkiýäniň we Prezident Erdoganyň eden başlangyçlary hakyndaky makalada; “Erdogan döwründe Türkiýe esasy üç ugur daşary syýasat pikirini iş ýüzüne geçirmekde ygrarly boldy: strategik garaşsyzlyk, güýç we eşret” diýilýar.
“Haber Türk” gazeti “Milli goranmak ministrliginiň “Metbugat ýygnagy” söz başyly habarynda, Milli goranmak ministrliginiň düýn nobatdaky “Metbugat ýygnagyny” geçirendigini ýazýar. Ýygnakda 8 ýylda 8,235 terrorçynyň täsirsiz ýagdaýa getirilendigi mälim edildi.
“Sabah” gazeti “Ysraýyla Al Aksa reaksiýasy” söz başyly habarynda, Türkiýäniň Ysraýylyň aşa sagçy Milli howpsuzlyk ministri Ytamar Ben-Gwiriň düýn Al Aksa metjinde geçiren barlagyny meçew beriji häsýetlendirip, berk ýazgarandygyny okyjy köpçüliginiň dykgatyna ýetirýär.
“Star” gazeti “Ministr Şimşegiň Ýewropa ýüzlenmesi: Türkiýäni görmediksiräp bilmersiňiz” söz başyly habarynda, Gazna we maliýe ministri Mehmet Şimşegiň ÝB-ne “Gümrük bileleşigi hakyndaky şertnamany aktuallaşdyrmak” üçin çagyryş edendigini ýazýar.
Türkiýäniň ÝB-ne agzalyk tapgyrynyň 1963-nji ýyldan bäri dowam edýändigini ýatladan ministr Şimşek, “Eger Ýewropa pozisiýasyny hasam güýçlendirmek isleýän bolsa, ýewropaly liderleriň aýdyşy ýaly global meselelerde güýçli tarap boljak bolsa, Türkiýe ýaly beýik ýurdy görmediksiräp bilmersiňiz” diýdi.
“Hürriýet” gazeti “KAAN üçin Azerbaýjan bilen hyzmatdaşlyk” söz başyly habarynda, Türk awiasiýa senagaty” paýdarlar jemgyýetiniň Azerbaýjanyň Goranmak ministrligi bilen milli söweşjeň uçar “KAAN” boýunça hyzmatdaşlyk teswirnamasyna gol çekişendigini ýazýar.