“Ýenişafak” gazeti, “Erdogandan halkara cemgyýetçiligine Kipr çagyryşy”söz başyly habarynda, Prezident R. T. Erdoganyň, DKTR-da Ercan howa menziliniň täze desgasynyn açylyş dabarasynda eden çykyşynda, halkara cemyýetçiligine Kipr çagyryynyş berip, “DKTR-na goýlan kanunlara bap gelmeýän diňe syýasy maksatly çäklendirmeleri bes etmekleri üçin çagyryş berýärin” diýen sözlerini okycy köpçüliginiň dykgatyna ýetirýär.
“Hürriýet” gazeti “Erdogan: DKTR-ny gysga wagtda ykrar ediň” söz başyly habarynda, Parahatçylyk we azatlyk baýramy mynasybetli geçirilen dabara gatnaşmak üçin Demirgazyk Kipr Türk Respublikasyna baran Prezident Erdoganyň dünýä ýüzlenip, DKTR-nyň ykrar edilmegi üçin çagyryş edip; “BMG-niň münberinden eden taryhy çagyryşymy gaýtalaýaryn.
Deliň adadaky hakykatlardan ýüz öwürmäň, DKTR-ny gysga möhletde ykrar ediň” diýen sözlerini çap edýär.
“Sabah” gazeti “Rus gullukçylary Stambuldan gitdi” söz başyly habarynda, Milli goranmak ministrliginiň düzümleriniň Galla geçelgesi ylalaşygynyň möhletiniň 17-nci iýulda gutarmagy sebäpli rus gullukçylarynyň Stambuldaky Bilelikdäki utgaşdyrycy merkezden gidendigini beýan edendigine ünsleri çekýär.
“Haber Türk” gazeti “Russiýa Türkiýä pomidor kwotasyny artdyrdy” söz başyly habarynda, Russiýanyň Türkiýeden edýän pomidor importunyň kwotasyny 350 müňden 500 müň tonna ýetirendigini ýazýar.
“Star” gazeti “Mişelin ýolbelediniň Türkiýe kartasyna İzmir we Bodrum goşular” söz başyly habarynda, dünýäniň abraýly restoran selceriş ulgamlaryndan biri bolan “Mişelin ýolbelediniň” Türkiýedäki sanawyna İzmir bilen Bodrumyň goşulcakdygyny mälim edýär. “Mişelin ýolbelediniň” Halkara direktory Gwendal Pullennek “Bu iki sebiti “Mişelin ýolbeledine” goşup, Türkiýedäniň saýlama gastronomiýa destinasiýasynyň bardygyny bütin dünýäniň ýetirmegi arzuw edýäris” diýdi.