“Haber Türk” gazeti, “Erdogan Putin bilen Zelenska ýykylan bent hakynda derňew çagyryşy” söz başyly habarynda, Prezident R.T.Erdoganyň Russiýanyň döwlet Ýolbaşçysy Wladimir Putin we Ukrainanyň döwlet Ýolbaşçysy Wladimir Zelenskiý bilen telefon arkalaşy söhbetdeşlikler geçirendigini ýazýar. Erdogan telefon söhbetdeşliklerinde Ukrainadaky Kahowka bendinde bolan partlama boýunça giňişleýin derňew işiniň ähli şübheleri ortadan aýyrjak görnüşde geçirilmeginiň möhümdigini beýan etdi.
“Star” gazeti “Russiýa: Erdoganyň beýannamalaryna üns berýäris” söz başyly habarynda, Russiýanyň Daşary işler ministrliginiň Metbugat sekretary Mariýa Zaharowanyň Türkiýe bilen gatnaşyklarda Prezident R.T.Erdoganyň ikitaraply bähbide esaslýan köpugurly hyzmatdaşlygy ösdürmek niýeti bilen bagly beýannamalaryna gönügendiklerini aýdandygyny ýazýar.
“Watan” gazeti “Şwesiýada “u” öwrümi” söz başyly habarynda, NATO agza bolmak isleýän Şwesiýada terrorizme garşy göreş hakyndaky täze kanunuň 1-nji iýunda güýje girmeginden soň Ýokary kazyýetiň 35 ýaşly PKK terrorçysynyň yzyna berilmegine oňyn garaýandygyny mälim edýär. NATO-nuň geljek aýky sammitinden ozal Türkiýäniň agzalyk üçin razylygyna garaşýan resmi Stokgolm, terrorçynyň yzyna berilmegi boýunça soňky kararyny beýan eder.
“Hürriýet” gazeti “Türkieýde nebit önümçiligi 32 ýylyň iň ýokary derejesinde” söz başyly habarynda, Türkiýede soňky nebit açyşlary bilen 32 ýylyň iň ýokary içerki günlük önümçilik derejesine ýetilendigini okyjy köpçüliginiň dykgatyna ýetirýär. Günlük nebit önümçiligi 70,76 barrele ýetdi. Maksat ýylyn ahyrynda 90 mün barrele ýetmek.
“Ýeni Şafak” gazeti “Türki dünýä Kastamonuda duşuşýar” söz başyly habarynda, Türki dünýäniň günleriniň 9-11-nji iýunda Kastamonuda dabara bilen bellenilip geçiljekdigini ýazýar. Adaty Türki dünýäniň günlerinde 23 ýurtdan köp sanly sungat ussady konsert berer, folklor çykyşlary we milli sport bäsleşikleri geçirer.