“Sabah” gazeti, “Erdogan:Judi-Gabarda täze nebit ätiýajynyň tapylandygyny buşlady” söz başyly habarynda, Prezident R. T. Erdoganyň, Konýada eden çykyşynda buşlukly habary halka ýetirendigini ýazýar.
Terrordan saplanan ýerlerde täze nebit ätiýajynyň tapylandygyny buşlan Erdogan, “Judi, Gabarda günde 100 müň barrel önümçilik mümkinçiligine eýe bolan nebit tapdyk. Jizreden 20 kilometr alysda ýerleşýän bu nebit ätiýajy ýokary hili” diýdi.
Erdogan, täze tapylan nebit guýusyna terrorçylar tarapyndan şehit etdilen mugallym Aýbüke Ýalçynyň adynyň dakylandygyny belledi.
“Sabah” gazeti, “Türkiýeden Siriýadaky operasiýalar hakynda möhüm ýüzlenme” söz başyly habarynda, Milli Goranmak ministri Hulusi Akaryň düýn tele ýaýlymlaryň birinde eden çykyşynda, Siriýada terror guramasy DAEŞ-iň lideriniň öldürlen operasiýasy hakynda “ABŞ-nyň köpçülikleýin habar beriş serişdelerinde möhüm ýüzlenmeler berildi we operasiýanyň üstünligine üns çekildi.
Biz asla basyp alyjy güýç däldiris.Siriýanyň özygtyýarlygyna sarpa goýýarys.Biz diňe terror guramasyna garşy göreşýäris” diýen sözlerine ýer berýär.
“Haber Türk” gazeti, “Çawuşoglu: 6 ýylda 17 müň terrorçyny täsirsiz ýagdaýa getirdik” söz başyly habarynda, Daşary işler ministri Mewlüt Çawuşoglunyň, Türkiýäniň kanunlaryň çäginde Siriýada alyp barýan operasiýalarynda 6 ýylda 17 müň terrorçynyň täsirsiz ýagdaýa getirlendigine ünsi çekendigini belleýär.
“Hürriýet” gazeti, “Kaan dünýäniň üns merkezinde” söz başyly habarynda, Prezident R. T. Erdogan tarapyndan tanyşdyrlan milli söweşiň harby uçar KAAN hakyndaky habarlaryň daşary ýurtly köpçülikleýin habar beriş serişdelerinde giň seslenme döredendigini ýazýar.
“Watan” gazeti, “Türklere pasport we wiza şerti ýok” söz başyly habarynda, Türk raýatlarynyň wizasyz syýahat edýän ýurtlarynyň hataryna Müsüriň hem goşulandygyny habar berýär.
Türkiýäniň Müsürdäki geňeşçi ilçisi Salih Mutlu Şen, mesele hakynda beren habarnamasynda, “Raýatlarymyz Müsüre wizasyz syýahat edip bilerler. Düşümli bolsun” diýdi.