“Star” gazeti, “Türkiýäniň Müsür beýanaty” söz başyly habarynda, Müsüriň Daşary işler ministri Samih Şukri bilen geçiren bilelikdäki metbugat ýygnagynda; “Müsür bilen açan täze sahypamyzy indi bilelikdäki taslamalar we üstünlik kyssalary bilen doldurmak isleýäris” diýendigini ýazýar.
“Watan” gazeti “Ministr Warank: “Toggy” Ýewropanyň köçelerinde görmäge başlarys” söz başyly habarynda, Senagat we tehnologiýalar ministri Mustafa Warankyň düýn beren beýannamasynda; “Togg Türkiýäniň ukyplaryny bütin dünýä görkezýän taslama. “Toggy” Ýewropanyň köçelerinde-de görmäge başlarys” diýen sözlerini çap edýär.
“Haber Türk” gazeti “Marmarise ilkinji kruizi 450 ýolagçy getirdi” söz başyly habarynda, Bahamadan gelen ýokary amatlykly “Silwer Spirit” atly kruiz gämisi Mugla welaýatynyň Marmaris etrabyna gelendigini mälim edýär. Gämide esasy bölegi ABŞ-nyň we Britaniýanyň raýaty 450 ýolagçy we 400 personal bar.
“Sabah” gazeti “Türkiýäniň trikotaž eksporty 5,2 milliard dollara ýetdi” söz başyly habarynda, trikotaž we egin-eşik pudagynyň ýylyň birinji çärýeginde 5,2 milliard dollarlyk eksporty amala aşyrandygyny ýazýar.
“Hürriýet” gazeti “Beşiktaş-Atletiko Madrid dostluk bäsleşigi ispan mediasynda giň seslenme döretdi” söz başyly habarynda, Beşiktaş-Atletiko Madrid klublarynyň arasynda öňňin oýnalan we ähli girdejisi ýer titremelerde ejir çekenler üçin geçirilen dostluk bäsleşiginiň ispan mediasynda giň seslenme döredendigini okyjy köpçüliginiň dykgatyna ýetirýär.Ýurduň käbir gazetleri habarlarynda “Ýer titremelerde ejir çekenler üçin guralan çäre ýokary derejeli boldy”, “Futbol şunuň üçindir,” Beşiktaş we Atletikodan uly arkalaşyk” diýip ýazdylar.