“Sabah” gazeti, “Erdogan: Busandyryjy üstünlik” söz başyly habarynda, Prezident R. T. Erdoganyň, düýn Türkiýäniň iň uly harby gämisi TJG Anadolynyň ulanylmaga berilmegi mynasibetli geçirlen dabarada çykyş edendigini ýazýar.
Prezident R. T. Erdogan dabarada eden çykyşynda, “Türkiýäniň öz gämisini dizaýn eden, guran we dolandyrýan 10 ýurtdan biri bolmagy, gury şygar däl, eýsem buýsandyryjy üstünlikdir” diýdi.
“Watan” gazeti “Akar: Türkiýäniň güýjüne güýç goşar” söz başyly habarynda, Harby deňiz güýçlerine gowşurylan “TJG Anadoly” gämisi hakynda beýannama beren Milli goranmak ministri Hulusi Akaryň, gäminiň Türkiýäniň güýjüne güýç goşjakdygyny aýdandygyny ýazýar.
“Star” gazeti “Warank: Dünýäniň islendik ýerinde isleýän sýužetimizi alyp bileris” söz başyly habarynda, Senagat we tehnologiýalar ministri Mustafa Warankyň Türkiýäniň ýerli we milli şertlerde öndüren ilkinji barlag hemrasy “IMEJE” arkaly dünýäniň islendik ýerinden islenen sýužeti alyp biljekdiklerini aýdandygyna ünsleri çekýär. Ministr Warank; “IMEJE” şol bir wagtda-da türk harby goşunlarynyň alysdaky gözi bolar” diýdi.
“Hürriýet” gazeti “Çawuşogly: Möhüm sammit maý aýynda Moskwada geçiriler” söz başyly habarynda, Daşary işler ministri Mewlüt Çawuşoglynyň düýn gatnaşan telegepleşiginde Siriýa meselesi boýunça 4 taraplaýyn sammitiň Moskwada geçirilmeginiň meýilleşdirilýändigini aýdandygyny okyjy köpçüliginiň dykgatyna ýetirýär.
“Haber Türk” gazeti “Gündogar Gara deňizden 3 aýda 23,1 million dollarlyk gyzyl balyk eksport edildi” söz başyly habarynda, Gündogar Gara deňizden ýanwar-mart aýlarynyn aralygynda edilen türk gyzyl balygynyň eksportunyň 354 göterim ýokarlap, 23,1 million dollara barabar bolandygyny mälim edýär.