“Star” gazeti “Erdoganyň “IMEJE” habarnamasy” söz başyly habarynda, Prezident R.T.Erdoganyň ýerli we milli şertlerde öndürilen, ýokary ukyply ilkinji barlag hemrasy “IMEJE-niň” 11-nji aprelde älem giňişligindäki orbitasyna uçuruljakdygyny mälim edendigini ýazýar.
“Hürriýet” gazeti “Ministri Dönmez beýan etdi, “Bloomberg” dünýä ýetirdi” söz başyly habarynda, Türkiýäniň Gara deňizden çykaryljak gazy ulanmagy üçin sanlyja günüň galandygyny habar berýär.
Energetika we tebigi serişdeler ministri Fatih Dönmeziň beren beýannamasyna ýer beren merkezi ABŞ-da ýerleşýän “Blomberg”, bu habary “Türkiýe öz tebigy gazyny maý aýyndan başlap ulanmaga başlamagy maksat edinýär” söz başysy bilen okyjylarynyň dykgatyna ýetirdi.
“Ýenişafak” gazeti, “Awtomobil pudagynda taryhy rekord” söz başyly habarynda, Türkiýäniň awtomobil pudagynyň eksportunyň mart aýynda aýlyk taryhy rekord goýup 22,8 göterim artyp 3,3 milliard dollara barabar bolandygyny mälim edýär.
“Habartürk” gazeti, “Oba hojalyk pudagynyň eksportunda rekord” söz başyly habarynda, oba hojalyk pudagynyň üstümizdäki ýylyň birinji çärýeginde 8 milliard 626 million dollarlyk eksportu bilen rekord goýandygyny ýazýar.
“Sabah” gazeti, “Ministr Ersoý: Türkiýe, dünýäde ABŞ-dan soň iň köp film eksport edýän ýurt” söz başyly habarynda, Medeniýet we syýahatçylyk ministri Mehmet Nuri Ersoýyň “Mannu Çanakkalede” atly animasiýa filminiň tanyşdyrylyş gijesinde eden çykyşynda, “Film pudagy taýdan ýurdumyz uly öňe gidişlik etdi. Biz, dünýäde ABŞ-dan soň iň köp film eksport edýän ýurt”diýen sözlerine ýer berýär.