“Haber Türk” gazeti, “Ilkinji TOGG Erdogana gowşuryldy” söz başyly habarynda, TOGG-yň, öndüren ilkinji iki ulagyny Prezidentiň Kompleksinde geçirlen dabarada Prezident R. T. Erdogan bilen aýaly Emine Erdogana gowşurandygyny ýazýar.
Prezident Erdogan dabarada eden çykyşynda, halkyn 60 ýyllyk arzuw-hyýalynyň hakykata öwrülmegine şaýatlyk edilendigine ünsi çekdi.
“Hürriýet” gazeti, “TOGG awtomobil dünýäsiniň üns merkezinde” söz başyly habarynda, 177 müň adamyň Türkiýäniň awtomobili TOGG-y almak üçin talap bildirendigini habar berýär.
Talap bildirlen ulagyň 80 göterimi internat arkaly satyldy. Çekilen bijelere görä TOGG eýelerine gowşurylmaga başlanar.
“Watan” gazeti, “Selçuk Baýraktara Azerbaýjandan medal” söz başyly habarynda, türk ýaragly uçarmansyz howa ulaglaryny öndüren Baýkar firmasynyň Dolanşyk geňeşiniň başlygy we Tehnalogiýa lideri Selçuk Baýraktaryň, Azerbaýjanyň Prezidenti Ilham Aliýew we Goranmak ministri goşun generaly Zakir Hasanow bilen Bakuda duşuşandygyny habar berýär.
Azerbaýjanyň Goranmak ministri goşun generaly Zakir Hasanow Selçuk Baýraktara iki ýurduň arasyndaky harby hyzmatdaşlyga goşan goşandygy sebäpli “Harby hyzmatdaşlyk medalyny” gowşurdy.
“Star” gazeti, “Politiko, Türkiýe, NATO üçin ýüz öwrülmesiz” söz başyly habarynda, Amerikan “Politiko” gazetinde çap edilen analiz makalada, Türkiýäniň NATO üçin ýüz öwrülmesizdigine üns çekilendigini belleýär.
Türkiýäniň harby güýjüne ünsi çeken gazet, şol güýjüň guramanyň ähli operasiýalaryna uly goşant goşýandygyny ýatlatdy. Türkiýäniň geosyýasy ýerleşişine ünsi çeken gazet, “Türkiýe Gara deňizden kimlerin geçjekdigine gözegçilik edýär”diýip belledi.
“Ýeni Şafak” gazeti, “Kanadaly lukman: Saglygy goraýyş pudagynda Türkiýeden görelde alynmaly diýdi” söz başyly habarynda, Ontarionyň Tewipler bileleşiginiň ozalky başlygy Dr.Sohail Gandiniň uzak ýyllaryň dowamynda dünýäde üns merkezinde bolan Kanadanyň saglygy goraýyş ulgamynyň uly kynçylygyny başdan geçirýändigi hakyndaky sözlerine ýer berýär.
Türkiýäniň 20 ýyl ozal kabul eden karary bilen täze saglygy goraýyş ulgamyny gurandygyny adan Gandi “Kanada, saglygy goraýyş ulgamyndaky krizisi ýeňip geçmek üçin Türkiýeden görelde almaly” diýdi.