“Sabah” gazeti “Prezident Erdogan günbatara reaksiýa bildirdi” söz başyly habarynda, Prezident R.T.Erdoganyň düýn paýtagt Ankarada beren beýannamasynda terrorizme garşy göreş boýunça iki ýüzli çemeleşýän günbatara reaksiýa bildirip; “Türkiýäniň terrorizme garşy göreşine çaşy garaýanlar, hakykata görerler. Ýewropada ornaşan terror ýaranlaryna garşy çäre görmeseler giç galan möhletine howp hasam artar” diýendigini ýazýar.
“Haber Türk” gazeti “Şentop Şazada Herra reaksiýa bildirdi” söz başyly habarynda, Türkiýäniň Beýik Millet Mejlisiniň Başlygy Mustafa Şentopuň Britaniýanyň Şalyk maşgalasyndan aýrylan Şazada Herriniň awtobiografik kitabynda Owganystanda 25 adamy öldürendigini ýazmagyna reaksiýa görkezendigini mälim edýär. Şentop, Şazada Herriniň sözleriniň diňe bir akýagyz ýewropalylaryň garaýyşy däldigini, şol bir wagtda-da medeniýeti, çemeleşmesi, düşünjesidigini nygtady.
“Hürriýet” gazeti “Karaismailogly: Howa menzillerimizde 182,3 million ýolagçy kabul etdik” söz başyly habarynda, Ulaglar we infrastruktura ministri Adil Karaismailoglunyň düýn beren beýannamasynda 2022-nji ýylda howa menzillerinde kabul edilen ýolagçy sanynyň öňki ýyl bilen deňeşdirilende 42,1 göterim ýokarlap, 182,3 milliona barabar bolandygyny aýdandygyny okyjy köpçüliginiň dykgatyna ýetirýär.
“Watan” gazeti “Dünýä markasy Türkiýä geler” söz başyly habarynda, Senagat we tehnologiýalar ministri Mustafa Warankyň Amerikan elektrik togy bilen işleýän awtoulag öndürijisi “Teslanyň” Türkiýe bazaryna girmek isleýändigini nygtap, degişli taýýarlyklaryň dowam edýändigini habar berendigini mälim edýär.
“Ýeni Şafak” gazeti “47 ýurda 1 milliard dollardan gowrak eksort” söz başyly habarynda, Türkiýäniň 1 milliard dollardan ýokary eksport edýän ýurdunyň sanynyň geçen ýyl 43-den 47-ä ýetendigini, birinji üçlükde Germaniýanyň, ABŞ-nyň we Britaniýanyň durýandygyny ýazýar.