“Sabah” gazeti “Erdoganyň “Türkiýe Asyry” habarnamasy” söz başyly habarynda, Prezident R.T.Erdoganyň sosial media hasabyndan “Türkiýe Asyry” meýilnamasy hakynda wideo ýazgyly harnama berendigini ýazýar. Habarnamada ýerli inwentar başlangyjy bilen soňky 20 ýylda Türk ýaragly güýçleriniň 70 göterimden gowrak mukdarda milli goranyş ulgamlary bilen üpjün edilendigine üns çekilýär.
“Watan” gazeti “Erdogan Şwesiýanyň Premýer-ministri bilen telefon arkaly söhbetdeş boldy” söz başyly habarynda, Prezident R.T.Erdoganyň Şwesiýanyň täze Premýer-ministri Ulf Kristersson bilen telefon arkaly söhbetdeşlik geçirip, ony Ankarada myhman almakdan hoşal boljakdygyny aýdandygyny ýazýar.
Kristerssonyň 19-njy oktýabrda özüne ugradan haty hakynda durup geçen Erdogan, Şwesiýanyň hökümeti bilen özara gatnaşyklary ähli ugurda ösdürmäge taýýardyklaryny beýan etdi.
“Ýeni Şafak” gazeti “Gresiýa metbugatynyň Erdogan hakyndaky üns çekiji analizi” söz başyly habarynda, Gresiýanyň “Ta Nea” gazetinde “Türkiýe gündogar bilen günbataryň arasynda nähili deňagramlyk gurmaga çalyşýar?” söz başyly habaryň çap edilendigini okyjy köpçüliginiň dykgatyna ýetirýär.
Habarda “Prezident Erdogan täze dostlar edinip, azat bolan garaşsyz güýç hökmünde Türkiýäni gaýtadan dikeltdi” diýilýär.Türkiýäniň pozisiýasyny güýçlendirendigine üns çekilýän habarda; “Erdogan, Afrikada we Latyn Amerikada onlarça diplomatik wekilhana açdy” diýilýär.
“Hürriýet” gazeti “Stoltenberg: Ýakyn gelejekde Türkiýä bararyn” söz başyly habarynda, NATO-nyň Baş sekretary Ýens Stoltenbergiň ýakyn gelejekde Türkiýä sapar etjekdigini aýdandygyny ýazýar. Stoltenberg beýanatynda “Türkiýäniň, Finlandiýanyň we Şwesiýanyň Üçtaraplaýyn ähtnamasynyň çäginde işleşmek meni begendirýär. Hem ýakyn hyzmatdaşymyz Türkiýe hem-de Finlandiýa we Şwesiýa bilen aragatnaşygymyz dowam edýär. Ýakyn gelejekde Türkiýä bararyn” diýdi.
“Star” gazeti “Britaniýanyň Türkiýe boýunça “Ýewrofigter Taýfun” ýüzlenmesi” söz başyly habarynda, Stambulda açylan “SAHA EXPO 2022” sergisini gezip gören Britaniýanyň Goranmak ministri Ben Wallesiň Britaniýanyň Türkiýä “Ýewrofigter Taýfun” kysymly harby uçar satmagy meýilleşdirýändigini aýdandygyny okyjy köpçüliginiň dykgatyna ýetirýär.