Hürriýet gazedi: "Erdogan: Ýylyň ahyrynda iki belgili ösüş görkezijilerine eve bolarys" söz başyly habarynda, Türkiýäniň Prezidenti Rejep Taýýip Erdoganyň, Türkiýäniň 2023-nji ýyl sammitine wideo ýüzlenme ugradyp, Türkiýäni önümçilik, eksport, maýa goýum we iş üpjünçiligi esasynda ösdürmäge dowam etdijekdiklerini aýdandygyny okyjy köpçüliginiň dykgatyna ýetirýär.
Erodgan; “Halkara guramalary 9 göterimlik ösüş çaklaýan hem bolsalar, ýylyň ahyrynda iki öýjükli ösüş görkezijilerine eve boljakdygymyzy pikir edýäris” diýdi.
Ýeni Şafak gazedi: "Erdogan: Türk Geňeşi doganlygyň, jebisligiň we hyzmatdaşlygyň simwoly ýagdaýyna geldi" söz başyly habarynda, Prezident Rejep Taýýip Erdoganyň, Türk Geňeşiniň Bilim ministrleriniň 6-njy maslahatyna we Halkara Türk Akademiýasynyň Ylmy geňeşiniň 4-nji maslahatyna ugradan wideo ýüzlenmesinde: "Geçen 12 ýyllyk döwürde geňeşimiz, aramyzdaky doganlygyň, jebisligiň we hyzmatdaşlygyň simwoly ýagdaýyna geldi" diýip aýdandygyny habar berýär.
Star gazedi: "Çawuşogly: Bu teklip Baýden tarapyndan geldi" söz başyly habarynda, ABŞ-nyň PKK/PÝD/ÝPG bilen edýän gatnaşyklarynyň, FETÖ-niň ABŞ-daky barlygynyň we S-400 bilen baglanşykly sanksiýalaryň hyzmatdaşlyk ruhuna bap gelmeýändigine ünsleri çeken Daşary işler ministri Mewlüt Çawuşoglynyň: "Hormatly Prezidentimiz bulary açyk ýagdaýda geçiren duşuşygynda aýdyp geçdi.
Indi bolsa bu meseleleri ele aljak iş toparyny dörederis.Ozal hem ABŞ-na şular ýaly teklip hödürländigimizi aýdypdyk, indi bolsa şoňa meňzeş teklip Baýden tarapyndan bize geldi" diýendigini mälim edýär.
Sabah gazedi: "Kalyn F-35 bilen bagly beýanat berdi" söz başyly habarynda, Prezidentiň Metbugat geňeşçisi Ibrahim Kalynyň, ABŞ bilen başdan geçirilýän F-35 krizisi bilen baglanşykly, ileri tutýan ugurlarynyň programma goşulmakdygyny, eger bolmaýan bolsa onda F-16-lar bilen öwezi dolmak ýoluna ýüz tutup biljekdiklerini aýdandygyny aýan edýär.
Haber Türk gazedi: "EBRD Türkiýäniň ýylyň ahyryndaky ösüş çaklamasyny 9 göterime çenli ýokarlandyrdy" söz başyly habarynda, Ýewropanyň Dikeldiş we galkynyş banky EBRD-yň Sebitleýin Ykdysady görkezijiler habarnamasynda Türkiýäniň 2021-nji ýyldaky ösüş çaklamasyny 5,5 göterimden 9 göterime çenli ýokralandyrandygyny beýan edýär.