“Watan” gazeti “Türkiýäniň goranyş göçümi… Dünýäniň gözi şolarda” söz başyly habarynda, türk goranyş senagatynyň dünýäniň ünsüni özünde jemlemäge dowam edýändigini ýazýar. Türkiýäniň sowutly söweş ulagy öndürijilerinden “Nurol Makina” firmasynyň öndüren “Ežder”, “Ýalçyn”, “Ýörük”, “Ylgaz 2”, “Ežder Kunter” we “Ežder TOMA” ulaglaryna dürli ýurtlardan ýokary ileg bildirilýär. Şol ulaglar Türkiýeden daşgary 15 ýurtda ulanylýar.
“Sabah” gazeti “Aksungur UHU uçuş rekorduny goýdy” söz başyly habarynda, “Türk awiasiýa we kosmos senagaty” firmasynyň (TUSAŞ) inženerleriniň we tehnikleriniň öndüren uçarmansyz howa ulagy “Aksunguryň” müň sagat uçuş möhletine ýetip, rekord goýandygyny ýazýar.
“Ýeni Şafak” gazeti “Business İnsider Türkiýäniň goranyş senagatyna kanagatlanma bildirdi” söz başyly habarynda, Amerikanyň harbarlar saýty “Business İnsideriň” Türkiýäniň goranyş senagatynda uly ösüş edip, garaşsyz pozisiýa eýeländigine ünsleri çekendigini ýazýar. Türkiýede öndürilýän uçarmansyz howa ulaglary ulgamlaryny “ýeňişiň açary” hökmünde häsýetlendiren habarlar saýtyndaky makalada, “Türkiýäniň uçarmansyz howa ulaglarynda liderlik ugrundaky tagallasy, belkem iň täsir galdyryjy başlangyç” diýilýär.
“Haber Türk” gazeti “115 ýurda 87,121 tonna kak erik eksport edildi” söz başyly habarynda, Malatýa welaýatyndan 115 ýurda 87,121 tona kak erik eksport edilendigini ýazýar.Malatýanyň Söwda Biržasynyň görkizijilerine görä 2020-nji ýylyň 1-nji awgustyndan 2021-nji ýylyň 31-nji iýulyna çenli bolan aralykda edilen eksportdan 291 million 749 müň dollar girdeji alynandygyny ýazýar.
Kak erik esasan ABŞ-na eksport edildi.
“Hürriýet” gazeti “Milli motosiklçi Toprak Razgatlyogly Çehiýadaky ikinji bäsleşikde 2-nji orny eýeledi” söz başyly habarynda, milli motisiklçi Toprak Razgatlyoglunyň Bütindünýä superbik çempionadynyň altynda tapgyrynda Çehiýadaky ikinji bäsleşikde ikinji orny eýeländigini ýazýar. Şeýlelikde Toprak bäsleşigiň sürüjiler bölüminde liderligi eýeleýän iňlis Jonatan Rea bilen arasyndaky tapawudy 3-e düşürdi.