“Hürriýet” gazeti “Prezident Erdogan embargo üçin çagyryş etdi” söz başyly habarynda, Prezident R.T.Erdoganyň düýn Riýadda “Arap ligasynyň nobatdan daşgary bilelikdäki sammitinde” Ysraýylyň gumanitar jenaýat edýändigini nygtap; “Maksatlary Gaza ornaşmak. Musulman ýurtlary Ysraýyla garşy ediljek başlangyçlarda öňbaşçy bolmaly. Ähli zatda öň Ysraýyla ýarag embargosynyn goýulmagy, söwda gatnaşyklarynyň bes edilmegi iňňän möhüm” diýendigini ýazýar.
“Ýeni Şafak” gazeti “Dünýäniň ýokary depginde ösýän goranyş senagaty” söz başyly habarynda, Fransiýanyň Goranmak ministrliginiň taýýarlan giňişleýin habarnamasynda türk goranyş senagatyny seljerendigini mälim edýär. “Türk dron senagaty dünýäniň iň çalt esýän tehnologik ekoulgamlaryndan biri” diýilýän habarnamada, türk uçarmansyz ýaragsyz we ýaragly howa enjamlaryny alan Afrika ýurtlary kartda görkezilýär.
“Watan” gazeti “TUSAŞ we Baýkar dünýäniň esasy 50 awiasiýa firmasynyň hataryna goşuldy” söz başyly habarynda, awiasiýa pudagynda neşirler çap edýän global neşirýatlardan FlaýtGlobalyň “Kunterpoint Market İntelligent” žurnalynyň habarynda, Türkiýäniň milli awiasiýa ulagyny öndürijileri bolan “Türk Awiasiýa we Komos Senagaty” we “Baýkar” firmalarynyň dünýäniň esasy 50 awiasiýa senagaty firmasynyň hataryna goşulandygyny ýazýar.
“Star” gazeti “TJG Anadolynyň möhüm başlangyjy” söz başyly habarynda, Milli goranmak ministrliginiň “TJG Anadoly” köp maksatly amfibiýa gämisi bilen “TJG Derýa” atly deňizde üpjünçilik-goldaw gämisiniň ilkinji gezek deňizde ýangyç we ýük üpjünçiligini amala aşyrandygyny mälim edýär.
“Sabah” gazeti “Türkiýeden Serbiýa eksport rekordy” söz başyly habarynda, Türkiýäniň Serbiýa 1,5 milliard dollara barabar eksport amala aşyrandygyny okyjy köpçüliginiň dykgatyna ýetirýär.