Türkiýäniň Çanakkale şäherinde 28 sany ogurlyk wakalary bilen ilteşikli 12 şübheli tussag edildi diýip türk mediasy ýazýar.
Polisiýanyň welaýat departamentiniň jemgyýetçilik howpsuzlyk bölüminiň ogurlyk boýunça edarasynyň topary şäher merkezinde we jandarma bölüminde motor, welosiped, suw motory, ýylylyk radiator we demir ogurlyklary bilen ilteşikli üç aýlap işleri amala aşyrdy.
Tehniki yzarlamalar bilen bagly işlerden soňra geçirilen barlaglarda biri Türkmenistanly, jemi 12 şübheli tussag edildi diýip neşir ýazýar.
Şäherdäki 28 sany ogurlyklarda şübhelenýänleriň öýlerinde geçirilen barlaglarda 3 tüpeň, 3 sapança, 58 ok we bir möçberde neşe maddalary ele salyndy.
Polisiýadaky işlerinden soňra,ogrylar adalata tabşyryldy diýip neşir ýazýar.
***
Polisiýanyň geçen hepde Stambul we Tekirdag şäherlerinde ten satma garşy geçiren barlaglarynda 12-si zenan bolan, 20 adamy tussag etdi diýip türk mediasy habar berýär.
Baş prokuraturanyň Çorlu etrap bölüminiň sosial media arkaly müşteri tapýan ten satýanlar bilen ilteşikli sorag etmeleriniň çäginde welaýat polisiýanyň jemgyýetçilik howpsuzlygy bölüminiň wekilleri Stambul we Tekirdag şäherlerindäki 18 adrese barlaglar geçirdiler.
Olarda Gürjüstanly 3, Özbegistanly 2, Türkmenistanly 2, 2 Gürjüstanly we Türkiýeli 3 bilen jemi 12 zenan bilen birlikde olary ten satmaga mejbur edýän Ş.Ö, A.K. , M.Ö, U.D., G.K., F.S., H.K. we F.A. dagy tutuldylar.
Barlaglarda 10 müň 295 lira, 100 dollar bilen birlikde ten satma üçin ulanylýan 9 jübi telefony, ten satmada ulanylýan jynsy gatnaşygy üçin materiýallar ele salyndy.
Çet ýurtly zenanlaryň deportasiýasy üçin işler başlandy.
Tutulanlar barada “Ten satma itermek, araçylyk etmek we ýer bermek” aýyplamalary bilen bagly derňew işleri dowam edýär diýip türk mediasy ýazýar.
The post Türk mediasyna syn first appeared on Türkmenistanyň Hronikasy.